Juventusi humb përsëri apelin e Calciopolit, titulli i 2006 i mbetet Interit  

Juventusi e ka humbur përsëri apelin e tyre për t’ia hequr Interit titullin e sezonit 2015/06 në Serie A pas skandalit të Calciopolit.

Bianconerët kishin dy tituj të revokuar pas skandalit që plasi në verën e vitit 2006, por i pari i sezonit 2004-05 mbeti ‘pa pronar’, ndërsa ai i edicioni 2005-06 iu dha Interit.

Nerazzurët përfunduan të tretit atë vit pas Juventusit dhe Milanit, por ishin klubi me më shumë pikë pas dënimeve që iu shqiptuan dy klubeve të sipërpërmendura.

Lexo po ashtu Ronaldo nuk harron Calciopolin: U përballëm me një sistem të korruptuar

Klubi i Torinos kishte kërkuar që titulli të kthehej tek ata, ose të paktën për të mos i takuar rivalëve të urryer të Interit.

Juve kishte paraqitur një ankesë për rihapjen e rastit mbi FIGC-në dhe Interin, por CONI (Komiteti Olimpik Italian) vendosi këtë mbrëmje se apeli ishte i papranueshëm.

Lexo po ashtu Del Piero: Calciopoli si ‘bomba atomike’, shkatërroi futbollin italian – ndihmoi ligat tjera

Kjo konfirmon vendimin origjinal të vendosur në vitin 2011 nga TNAS, pavarësisht nga shfaqja e provave të reja.

Përveç kësaj, CONI ka detyruar Zonjën e Vjetër të paguajë edhe shpenzimet gjyqësore të të gjitha palëve të përfshira. /Telegrafi/