Juventusi fitoi mbi 100 milionë nga shitja e lojtarëve të akademisë

Nicolo Fagioli ishte lojtari i fundit i akademisë së Juventusit që u largua nga klubi dhe Bianconerët kanë fituar mbi 100 milionë euro nga shitjet e lojtarëve të ekipit ‘NextGen’ në dy afatet e fundit të transferimeve.

Italiani iu bashkua Fiorentinës në ditën e fundit të afatit kalimtar. Toskanët kanë paguar 2.5 milionë euro për huazimin e lojtarit deri në fund të sezonit dhe kanë detyrimin për të blerë për 13.5 milionë euro plus 3 milionë euro bonuse.

Fagioli ishte vetëm produkti i fundit i akademisë së Juventusit që u largua nga klubi gjatë shtatë muajve të fundit.

Sipas Gazzetta dello Sport, Zonja e Vjetër fitoi 103 milionë euro nga shitjet e lojtarëve të ‘NextGen’ gjatë dy afateve të fundit të transferimit: verës 2024 dhe janarit 2025.

Juventus made €103m, excluding bonuses and resale percentages, from the sale of NextGen last year.

Soulè €25.6m
Huijsen €15.2
Iling-Junior €14
De Winter €10
Barrenechea €8
Kaio Jorge €7,2
Nicolussi Caviglia €5
Barbieri €2

[GdS via @forumJuventus] pic.twitter.com/aAUGXTouig

— Juventus News Live (@juvenewslive) February 5, 2025

Të ardhurat më të larta erdhën nga kalimi i Matias Soule te Roma për 25.6 milionë euro verën e kaluar, por lista përfshin gjithashtu Dean Huijsen, i cili iu bashkua Bournemouth për 15.2 milionë euro plus bonuse dhe një klauzolë shitjeje, Enzo Barrenechea dhe Samuel Iling Junior, të cilët nënshkruan për Aston Villa në verë për 22 milionë euro për një tarifë të përbashkët.

Kaio Jorge, Koni De Winter dhe Hans Nicolussi Caviglia janë të tjerë ish-lojtarë të Juventus NextGen që u larguan nga Torino në fillim të sezonit aktual.

Juventusi ishte klubi i parë i Serie A që krijoi një skuadër të dytë – Juventus NextGen – për të luajtur në divizionin e tretë të Italisë, Serie C. Kjo i lejoi futbollistët e rinj të luanin në një ligë profesionale dhe jo në Primavera dhe të ishin më të përgatitur për futbollin e ekipit të parë. /Telegrafi/