Juventus dhe Douglas Luiz të hapur për ndarje, dy klube të Ligës Premier të interesuar për brazilianin

Futbollisti brazilian Douglas Luiz mund të largohet nga Juventusi dhe të kthehet në Angli pas vetëm disa muajsh qëndrim në Torino.

Mesfushori që mbërriti te Juve si përforcimi më i madh këtë verë nga Aston Villa, luajti në Torino vetëm 13 ndeshje (354 minuta) në të gjitha garat.

Përveç problemit të lëndimit, Luiz ka pasur vështirësi edhe me përshtatjen në klubin e ri dhe nuk i ka ndihmuar as ardhja e të dashurës së tij Alisha Lehman, e cila gjithashtu kaloi nga skuadra e femrave të Aston Villa në Juventus.

Braziliani nuk arriti të imponohej dhe gjithnjë e më shpesh flitej se trajneri Thiago Mota nuk ishte aspak i kënaqur me lojërat e tij.

Siç raporton Sky Sport, dy klube angleze të cilave nuk iu ka bërë i ditur emri po punojnë për të sjellë në huazim Luizin, i cili dëshiron të kthehet në Angli dhe është mjaft i sigurt për largimin e tij nga Juventusi në janar.

Lexo po ashtu Juventusi ia ofron dy gjigantëve anglezë mesfushorët e tyre

Sezonin e kaluar, Luiz luajti 53 ndeshje për Aston Villan në të gjitha kompeticionet dhe arriti një performancë të shkëlqyer prej dhjetë gola dhe 10 asistime./Telegrafi/