Jurgen Klopp pas humbjes ndaj Manchester Cityt: Është totalisht e papranueshme, për të qenë i sinqertë

Manchester City ka shënuar fitore të madhe ndaj Liverpoolit me rezultat 4-1, gjë që padyshim e ka lënë të mërzitur trajnerin e Reds, Jurgen Klopp.

Ai foli pas ndeshjes, ka treguar se cili ishte momenti që e vendosi ndeshjen.

“E nisëm mirë, realizuam një gol të bukur, por në pjesën e dytë gjithçka shkoi keq. Pas pësimit të dy golave të shpejtë në pjesën e dytë, Man City mori të gjithë kontrollin e ndeshjes dhe posedimin e topit”.

“Është totalisht e papranueshme, për të qenë i sinqertë. Pas këtij momenti u hapëm shumë dhe ata mund të bënin çfarë të donin. Më pas ata shënuan vetëm një gol tjetër dhe kjo është gjë e mirë të paktën”.

“Në fund, ne patëm disa momente reagimi, por në përgjithësi është e papranueshme. Vetëm pas tre ditëve ne do të luajmë përsëri kundër një ekipi tjetër të fortë”.

“Nesër është një ditë e madhe për ne sepse duhet të punojmë me atë që pamë sot, pasi është diçka që po e shohim shpesh kohët e fundit”, ka thënë Klopp.

Jurgen Klopp said his Liverpool side were fortunate not to concede more goals in their 4-1 defeat to Man City 😳

— Sky Sports News (@SkySportsNews) April 1, 2023

Liverpooli rrezikon të mbetet jashtë top katërshës për sezonin e ardhëm në Ligën e Kampionëve. /Telegrafi/