​Judah për “Autostradën e Paqes”: E paqartë se çfarë do të financojnë amerikanët

Analisti britanik për çështje të Ballkanit, Tim Judah, është deklaruar rreth marrëveshjes për normalizim ekonomik ndërmjet Kosovës dhe Serbisë.

Pas nënshkrimit të dokumentit më 4 shtator në Shtëpinë e Bardhë për normalizim ekonomik, një delegacion i qeverisë amerikane së fundi qëndroi për vizitë në Kosovë dhe Serbi, si pjesë e nënshkrimit të marrëveshjeve të reja me këto dy vende.

E Judah thotë se është e paqartë se çfarë do të financohet nga amerikanët, kur është në pyetje pika e marrëveshjes për ndërtimin e “Autostradës së Paqes”.

Sipas tij, BERZH ia ka bërë të ditur se kur është në pyetje kjo rrugë, BE tashmë është përkujdesur për një gjë të tillë.

“Në lidhje me rrugën Prishtinë-Nish dhe premtimin e SHBA-së për para. Meqenëse gjithçka është duke u zhvilluar, unë nuk e kuptoj saktësisht se çfarë premtohet të bëjnë SHBA. A do të financojnë boshllëqet apo çfarë saktësisht? Duhet të jetë dikush atje që e di. Sot flitet për një ndihmë prej 1 miliard dollarësh për ta financuar atë. Por e gjithë kjo është e mistershme”, ka shkruar Judah në Twitter, teksa përcjellë detajet që i janë dhënë nga BERZH-i rreth kësaj rruge dhe financimit të saj, transmeton KP.

About the Pristina-Nis road and the US promise for money. Since it is all well underway I don't understand exactly what the US is pledging to do. Are they going to fund gaps or what exactly? There must be someone out there who knows. https://t.co/Sf71ymnt2E

— Tim Judah (@timjudah1) September 22, 2020

1. Nish-Ploçnik bashkëfinancim i Bankës Evropiane për Investime dhe BERZH-it me grante të BE-së, tenderët do të lansohen në fillim të tetorit.

2. Ploçnik – Merdarë, duke u përgatitur me grante nga BE-ja për financim si më lartë.

3. Prishtinë – Merdare, njëjtë

4. Prishtinë – Tiranë, tashmë gati e kompletuar nga Bechteli më 2010.

1: Nis-Plocnik – EIB/EBRD co-financing with EU grant – tenders to be launched early October
2: Plocnik – Merdare – under preparation with EU grants for financing as above
3: Pristina – Merdare – ditto
4: Pristina – Tirana – ready – competed by Bechtel in 2010.
3/4

— Tim Judah (@timjudah1) September 22, 2020

“Pra, a mund të jetë ky edhe një rast tjetër kur BE-ja bën diçka të mirë dhe paguan për të dhe askush të mos ta di? Për shembull, BE paguan për shumë gjëra në Serbi, por shumë serbë besojnë se Rusia dhe Kina kanë investuar. A do t’iu bashkohen atyre së shpejti edhe amerikanët?”, përfundon Judah.

So, could this be yet another case of the EU doing something good and paying for it and no one knowing? The EU pays for a lot of things in Serbia for example but many Serbs believe that the Russians or Chinese paid for them. Will we soon add the Americans in with them? 4/4

— Tim Judah (@timjudah1) September 22, 2020