Java e 31-të e shtatzënisë: Bebja po bëhet më topolake dhe trupi juaj është në përgatitje të plotë për periudhën që pason

Në javën e 31-të të shtatzënisë, javën e fundit të muajit të shtatë, çdo gjë po përgatitet dalëngadalë për lindjen, si trupi juaj ashtu edhe i bebes

Ja çfarë mund të prisni në këtë periudhë.

Çfarë po ndodh me beben?

Bebja mund ta kthejë kokën nga njëra anë në tjetrën! Ajo është shumë aktive – ajo lëviz shumë dhe nuk ju lë të flini. Rritja e bebes ngadalësohet, por ajo vazhdon të shtojë peshë. Krahët, këmbët dhe trupi mbushen. Qepallat shpesh janë të hapura kur bebja është zgjuar dhe të mbyllura gjatë gjumit. Mushkëritë janë pothuajse plotësisht të pjekura.

Këtë javë bebja juaj është mbi 40 cm e gjatë dhe peshon rreth 1.500 gramë (si një kokos i pjekur), transmeton Telegrafi.

Çfarë po ndodh me nënën?

Herë pas here mund të ndieni kontraktime, të cilat do të jenë më të forta në javët në vijim. Ky është një fenomen normal që shumë gra e ndiejnë në gjysmën e dytë të shtatzënisë.

Këto të ashtuquajtura kontraktime Braxton Hicks janë të parregullta – ato zakonisht zgjasin 30 sekonda, janë të parregullta, të rralla dhe të dhimbshme. Megjithatë, nëse kontraktimet zgjasin më shumë se një minutë dhe përsëriten në intervale prej pesë ose më shumë minutash brenda një ore, kjo mund të nënkuptojë se lindja ka filluar.

Telefononi mjekun tuaj nëse jeni të shqetësuar, veçanërisht nëse keni vënë re gjakderdhje ose keni lindur para datës së caktuar. Ju mund të vini re kolostrumin – një lëng i verdhë, që rrjedh nga gjoksi. Vendosni jastëkët në sytjena për të mbrojtur rrobat tuaja. Nëse janë të ngushtë, blini sytjena me një madhësi më të madhe se tani – kur qumështi juaj të fillojë të rrjedhë, do t’ju duhet më shumë hapësirë!

Ndërsa shtatzënia përparon, ju mendoni gjithnjë e më shumë për fëmijën tuaj, kështu që për shkak të mungesës së përqendrimit, mund të bëheni harrestarë.

Çfarë duhet të bëni?

Mësoni rreth ushqyerjes me gji. Zbuloni gjithçka rreth përfitimeve të ushqyerjes me gji, si dhe se si të përgatisni gjinjtë tuaj përpara atij akti të rëndësishëm.

Bëni një listë të gjërave për maternitetin. Nuk është e nevojshme të paketoni çantën tuaj ende, por filloni me një listë të gjërave që duhen çuar në spital. /Telegrafi/
​