LAJMI I FUNDIT:

Jashari mohon aktakuzën në seancën për ‘veteranët mashtrues’

Jashari mohon aktakuzën në seancën për ‘veteranët mashtrues’

Në seancën e dytë gjyqësore ndaj komandantëve të UÇK-së në rastin e “fryrjes së listave të veteranëve”, dy nga 12 të akuzuarit me datën 14 mars, nuk kishin qenë të pranishëm.

Mungesa e të akuzuarve Ahmet Daku e Xhavit Jashari, ka bërë që trupi gjykues ta veçoi lëndën. E të njëjtit sot ishin të thirrur në gjykatore.

Një nga të akuzuarit, dikur edhe anëtar i komisionit, Xhavit Jashari thotë se seanca e sotme ishte vetëm fillestare. Ai edhe një herë është shprehur i bindur se këto aktakuza nuk përkojnë me të, por me zingjirin komandues.

“Sot isha në seancë, për shkak se kam munguar në seancën e kaluar, për shkak se kam qenë në një udhëtim jashtë vendit. Ato qëndrime që i kam pasur, nuk është diçka e re. Kjo ka qenë vetëm seancë fillestare, tash na njoftojnë për seancat e radhës. Ne i hodhëm poshtë aktakuzat, nuk përkojnë me neve, sepse verifikimin e kanë bërë zingjiri komandues.  Dhe ata e dinë më së miri se kush  ka qenë veteranë”, tha ai, për KP.

Në këtë seancë ka marrë pjesë edhe Ahmet Daku, i cili është po ashtu është i dyshuar për listën e “veteranëve të rrejshëm”.

Jashari thotë se nuk janë të informuar për datën e seancës e ardhshme. Ai vazhdon të mohoi se është keqpërdorur me listat e veteranëve. Madje i njëjti thotë se më shumë ka të bëjë me spektakël politik.

“Më shumë po më duket si spektakël politikë, si kam thënë edhe në fillim. Unë kam qenë anëtar i komisionit, por unë nuk kam dhënë asnjë nënshkrim, veç le të ma gjejnë ndonjë argument,  përndryshe është banale të thuhet  19 mijë e 500 a sa po thuhet veteranë.  Do të faktohet e argumentohet, se nuk është ashtu se si e ka ngritur aktakuzën prokuroria”, ka vazhduar ai.

Prokuroria Speciale e Republikës së Kosovës ka ngritur aktakuzë kundër 12 të pandehurve, për lëndën e njohur në opinion si “Veteranët” në drejtim të veprës penale “keqpërdorimi i pozitës apo autoritetit zyrtar”.

Dymbëdhjetë të pandehurit janë: Agim Çeku, Nuredin Lushtaku, Sadik Halitjaga, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari.

Gjithashtu, në aktakuzë është propozuar që gjykata të lëshojë masën për ndalimin e pagesës së pensioneve të fituara në mënyrë të kundërligjshme si veteranë luftëtarë të UÇK-së, deri në përfundimin e procedurës penale.

E sa i përket kësaj gjatë ditës së sotme, Gjykata Themelore e Prishtinës, ka marrë vendim që të refuzoi kërkesën e Prokurorisë  Speciale të Kosovës, e cila kishte kërkuar pezullimin e pensioneve për më shumë se 19 mijë veteranë.

Sipas pretendimeve të Prokurorisë Speciale nga provat e siguruara deri më tani është vërtetuar se nga pagesat e kundërligjshme për veteranët luftëtarë të UÇK-së, buxheti i Republikës së Kosovës është dëmtuar në shumë prej 68 milionë 153 mijë e 533 euro e 14 cent./Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori