James realizon 33 pikë në fitoren e Clevelandit (Video)

Mbrëmë janë zhvilluar shtatë ndeshje në ligën më të fortë në basketboll, NBA.

Ndeshja kryesore ishte mes Indiana Pacers dhe Cleveland Cavaliers, ku këta të fundit triumfuan me rezultat të ngushtë 100:96.

Duket se një ditë pushim ka ndikuar shumë mirë te LeBron James, pasi që në fitoren e skuadrës ka kontribuar me 33 pikë, pesë kërcime dhe katër asistime, ndërsa u ndihmua prej Kyrie Irvingut me 22 pikë, gjashtë kërcime dhe pati tri asistime. Tristan Thompson realizoi ‘double-double’ me 14 pikë dhe 11 kërcime, transmeton Telegrafi.

Më i miri tek skuadra e mysafirëve ishte Monta Ellis me 28 pikë, ndërsa Paul George ka regjistruar 23 pikë, tetë kërcime dhe gjashtë asistime.

Pas kësaj fitoreje, Cleveland ka bilanc prej 42 fitoreve dhe 17 humbjeve, ndërsa në anën tjetër, Indiana ka 31 fitore dhe 29 humbje.

Rezultatet:
Washington Wizards – Philadelphia 76ers 116: 108
Boston Celtics – Utah Jazz 100: 95
Milwaukee Bucks – Houston Rockets 128: 121
Denver Nuggets – Memphis Grizzlies 96: 103
Sacramento Kings – Oklahoma City Thunder 116: 131
Los Angeles Clippers – Brooklyn Nets 105: 95 /Telegrafi/

https://www.youtube.com/watch?v=V8Uqob9Zh2s