Autoritetet izraelite kanë liruar 39 të burgosur palestinezë, në mesin e të cilëve 6 gra dhe 33 fëmijë dhe të moshës së adoleshencës, ka njoftuar agjencia palestineze e lajmeve WAFA.
Të burgosurit e liruar janë dërguar tek familjet e tyre në lindje të Jerusalemit dhe në Bregun Perëndimor, transmeton Telegrafi.
Ky hap është rezultat i marrëveshjes së arritur mes Hamasit dhe Izraelit, ku militantët e Hamasit fillimisht liruan pengjet izraelite në Gazë ku më pas pasoi lirimi i të burgosurve palestinezë nga ana e autoriteteve izraelite.
Egjipti, SHBA dhe Katari kanë ndërmjetësuar për armëpushimin katërditor mes Izraelit dhe Hamasit, që rezultoi me shkëmbimin e 50 pengjeve me të burgosurit palestinezë.
Hamasi mbrëmë vonë i ka dorëzuar 13 pengje izraelitë dhe katër të huaj në Kryqin e Kuq Ndërkombëtar (ICRC), është bërë e ditur nga ministria e Jashtme e Katarit.
https://twitter.com/GazaEssa/status/1728661729448452557?ref_src=twsrc%5Etfw%7Ctwcamp%5Etweetembed%7Ctwterm%5E1728661729448452557%7Ctwgr%5Ec944f77e79161fe83e6c93e8514179e326e96323%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fizrael-oslobodio-39-palestinaca-nakon-sto-je-hamas-pustio-13-talaca%2F231126003
“13 izraelitë dhe katër të huaj i ka pranuar ICRC-ja dhe janë rrugës për në Rafah”, tha zëdhënësi i ministrisë së Jashtme të Katarit, Maje Al Ansari.
Televizionet shfaqën pamjet e veturave të Kryqit të Kuq në pikëkalimin Rafah mes Gazës dhe Egjiptit. /Telegrafi/
