Sonte ushtria izraelite kreu sulme ajrore në pjesën veriperëndimore të Sirisë në vendet ku dyshohet se ndodhen forcat pro-iraniane.

Reklama

Sipas agjencisë siriane të lajmeve SANA, aeroplanët izraelitë lëshuan raketat e tyre mbi Detin Mesdhe, në jugperëndim të qytetit port të Tartus, duke synuar disa lokacione në provincën Hama.

Sipas informacioneve fillestare, nga sulmet u plagosën dy civilë dhe për shkak të raketave, Siria aktivizoi mbrojtjen e saj kundërajrore dhe ndaloi disa prej raketave.

Zona e rajonit të Hamës është vënë në shënjestër disa herë gjatë viteve të fundit dhe forcat izraelite besojnë se kjo zonë po përdoret si bazë për forcat iraniane në Siri.

Reklama

Sulmi i fundit që i atribuohet Izraelit në territorin e Sirisë u krye më 14 gusht, kur u vranë tre ushtarë sirianë.

Reklama

Ndryshe, drejtori i Mossad-it, David Barnea tha se një pakt i ri bërthamor me Iranin nuk do ta bllokojë agjencinë që të veprojë kundër Republikës Islamike, ose përfaqësuesve të saj në të gjithë Lindjen e Mesme, në të ardhmen. /Telegrafi/