Ministri i Shëndetësisë, Uran Ismaili, u është kundërpërgjigjur kryetarëve të Mitrovicës dhe Vushtrrisë, Agim Bahtirit dhe Xhafer Tahirit, të cilët kishin lëshuar një komunikatë të përbashkët duke akuzuar atë për ndikime politike në zgjedhjen e drejtorëve të spitaleve.
Ministri Ismaili ka thënë se ata mund të jenë të shqetësuar, mirëpo, jo për qytetarët dhe as për sistemin shëndetësor, por për veten.
“Ashtu siç është e vërtetë se kur flasin për “politizim” dhe “dëmtim të sistemit shëndetësor”, realisht mendojnë në “punët” që kanë bërë, e që do t’u ndërpriten, në komunat e tyre”, ka thënë Ismaili.
Më tej, Ismaili, ka thënë se vizioni i PDK-së, të cilin ai si Ministër i Shëndetësisë është duke e shtrirë me kënaqësi të madhe dhe vullnet të fortë gjithandej institucioneve shëndetësore, është ekskluzivisht për qytetarët.
Lexoni reagimin e plotë të ministrit:
Agim Bahtiri i AKR-së / VV-së dhe Xhafer Tahiri i LDK-së, në një reagim të përbashkët, paskan shprehur shqetësim e tyre për procesin e përzgjedhjes së drejtorëve të spitaleve në Mitrovicë dhe Vushtrri – komuna që ata drejtojnë.
Bahtiri e Tahiri paskëshin kërkuar anulimin e konkurseve, me arsyetimin se po tentohet të politizohen spitalet dhe të dëmtohet sistemi shëndetësor.
Është e vërtetë që ata mund të jenë të shqetësuar. Mirëpo, jo për qytetarët dhe as për sistemin shëndetësor, por për veten e tyre.
Kur flasin për “politizim” dhe “dëmtim të sistemit shëndetësor”, Bahtiri e Tahiri realisht mendojnë në “punët” që kanë bërë, e që do t’u ndërpriten, në komunat e tyre.
Me reformat që kemi nisur në shëndetësinë kosovare – largohen të papërgjegjshmit që u shërbejnë klientelave dhe afrohen profesionistët që u shërbejnë qytetarëve.
E di se kjo dhemb shumë. Sepse, për ata që kanë instaluar klientelizmin në qytetet e tyre, qoftë në spitalet rajonale, qoftë në shërbimet spitalore, prerja e rrënjëve të krimit – nënkupton dobësimin e tyre dhe forcimin e qytetarëve.
Vizioni i PDK-së, të cilin unë si Ministër i Shëndetësisë jam duke e shtrirë me kënaqësi të madhe dhe vullnet të fortë gjithandej institucioneve shëndetësore, është ekskluzivisht për qytetarët.
Sa për konkurset, ato hapen nga SHSKUK dhe jo nga Ministria e Shëndetësisë.
Bahtiri dhe Tahiri bëjnë mirë të mos përzihen në kompetencat e Drejtorit të SHSKUK-së.
Ky është presion që bëhet për t’i ruajtur interesat e tyre. Por, i siguroj që të dy, dhe këdo tjetër, se nuk do të ketë dorëzim në luftimin e krimit dhe në qëllimin e mirë që më në fund të kthehet mbarë shëndetësia.
E dimë të gjithë rrëfimin për shëndetësinë e udhëhequr nga LDK gjatë mandatit të kaluar qeverisës. E kanë shtrirë atë përtokë.
E di se do të marrë kohë për ta çuar në këmbë. Por, punët e mira kanë nisur dhe ato do të vazhdojnë.
Së fundi, jam ndjerë jashtëzakonisht i kënaqur me statistikat që tregojnë se me funksionalizimin 24-orësh të shërbimit të kardiokirurgjisë me kardiologji invazive, në kuadër të QKUK-së, është rritur dukshëm vëllimi i punës dhe janë shënuar rezultate në reduktimin e listave të pritjes. Ndër të tjera, janë kursyer edhe 3 milionë euro.
Po i ndaj me të gjithë këto statistika. Janë zhvillime pozitive, aq shumë të nevojshme, që japin shpresë për atë që besojmë – shëndetësinë e mirë. /Telegrafi/
Promo
Reklamo këtuLufta Prigozhin - Putin
Më shumëQeveria vendosi: 24 prilli dhe 8 maji ditë jo pune për të gjithë qytetarët
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Përfaqësuesi i Shqipërisë në KiE: Kosova ka plan të jashtëzakonshëm për të siguruar anëtarësimin në Këshillin e Evropës
Knaus: Kosova ta dërgojë draftin e Asociacionit në Kushtetuese para votimit në maj - nëse veprohet sikur javët e fundit do të ketë sukses
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin