Akeem Ferguson ishte në një bunker kur ekipi i tij mori lajmin drithërues: Gjashtë raketa balistike iraniane u drejtuan në drejtimin e tyre.

Pllaka e betonit që ata kishin si mbulesë nën mbrojtjen e vogël, ishte sulmuar me raketa.

“Mbaja armën time dhe e vura kokën poshtë dhe u përpoqa të gjej një vend të përshtatshëm, kështu që fillova t’u këndoja vajzave të mia – brenda kokës time”, tha rreshteri Ferguson. “Dhe unë vetëm prisja”.

“Unë isha 100% gati për të vdekur”, ka shtuar ai, përcjell Telegrafi.

Po binte në tokë si “një top zjarri”: Pamje të tjera të rrëzimit të aeroplanit me pasagjerë në Iran, pak pas sulmit mbi bazat ushtarake amerikane Po binte në tokë si “një top zjarri”: Pamje të tjera të rrëzimit të aeroplanit me pasagjerë në Iran, pak pas sulmit mbi bazat ushtarake amerikane

Siç edhe është thënë deri më tani, Ferguson mbijetoi së bashku me trupat e tjerë amerikanë dhe kontraktorët civilë në bazën e al-Asadit në Irak, pas një sulmi të raketave iraniane në mëngjesin e 8 janarit.

Sulmi ishte në shkallë më të gjerë ndaj një baze që strehonte trupat amerikane në dekada.

Trupat thanë se mungesa e viktimave nuk ishte asgjë më pak se një “mrekulli”, përcjell Telegrafi.

Trupat amerikane të vendosur në bazë po ndihmojnë për të luftuar ISIS-in dhe trajnuar forcat irakiane të sigurisë. As edhe një trupë irakiane nuk u lëndua në sulm.

Ashtu si shumica e seksionit amerikan të bazës, ata kishin qenë tashmë në mbyllje në bunkerë për më shumë se dy orë kur raketat e para “zbarkuan”.

Shtëpia e Bardhë nxjerr pamjet: Trump me ekipin e sigurisë, pasi Irani sulmoi me raketa bazat amerikane në Irak Shtëpia e Bardhë nxjerr pamjet: Trump me ekipin e sigurisë, pasi Irani sulmoi me raketa bazat amerikane në Irak

Sulmi ishte një përgjigje e Iranit ndaj sulmit me dron të SHBA-së, të urdhëruar nga presidenti amerikan Donald Trump, që vrau gjeneralin më të fuqishëm të Iranit, Qasem Soleimani, më pak se një javë më parë.

Dhjetë nga 11 raketat goditën pozicionet e SHBA në bazën ajrore të shkretëtirës irakiane. Njëri goditi një vend të largët në anën e ushtrisë së Irakut.

Thuhet se afërsisht një e treta e bazës kontrollohet nga SHBA. /Telegrafi/