Mbi 100 ish luftëtarëve nuk po u njihet statusi i veteranit, edhe pse ishin pjesë e Ushtrisë Çlirimtare për Preshevë Medvegjë dhe Bujanoc (UÇPMB). Ata kanë paralajmëruar se nesër (e martën), do të protestojnë para Qeverisë së Kosovës.
Disa ish-ushtarëve të UÇPMB-së nuk po iu njihet statusi i veteranit të luftës. Njëri nga ta është edhe Bajram Haziri, i cili thotë se për të kërkuar statusin që po u mohohet, ai së bashku me bashkëluftëtarët do të protestojnë të martën para Qeverisë së Kosovës.
“Më mohohet statusi si ish-ushtar i UÇPMB-së në Zonën e Karadakut. Nga fillimi kam qenë pjesëtar i UÇPMB-së në fshatin Dobrosin. Komandant e kam pasur Feriz Kabashin. Më pas kam kaluar në zonën e Qarrit. Nesër e kemi një protestë të qetë para Qeverisë”, deklaroi Bajram Haziri për RTV Dukagjinin.
Haziri thotë se fajtor për mohimin e statusit të veteranit është, ish – komandanti i UÇPMB-së, Shefket Musliu.
“Unë fajtor për këtë çështje e bëj Shefket Musliun, sepse ai ka qenë komandanti kryesor i të gjitha zonave. Ai është ai që duhet të nënshkruajë dokumentet që në të përfitonim këtë status”, tha Haziri, përcjell Telegrafi.
RTV Dukagjini ka provuar të kontaktoj me ish-komandantin Shefket Musliu, por një gjë e tillë ka qenë e pamundur.
Haziri, përveç dokumenteve që posedon, ka si dëshmi se ka qenë pjesë e UÇPMB-së edhe ish-komandantin e UÇPMB-së, Feriz Deliun i njohur me nofkën “Komandant Kabashi”.
“Bajram Haziri ka qenë një ndër luftëtarët më të mirë. Ky nuk është i vetmi, janë mbi 100 ushtarë që kanë marrë pjesë në Zonën e Karadakut, e që sot janë pa status. Shkaktarët janë përfaqësuesit tonë që vet më së paku kanë marrë pjesë në vijat e frontit e nuk i kanë njohur ushtarët. Neve nuk na ka pyetur askush. Unë i kam premtuar Bajramit edhe të tjerëve se unë jam me ju dhe të tjerët ku të është e nevojshme për të thënë të vërtetën. Sot më vjen turp që këta nuk e gëzojnë statusin sikurse unë”, tha Feriz Deliu.
Janë mbi 100 persona të tjerë, që po thonë se nuk po ua njohin statusin e veteranit edhe pse ishin pjesë e UÇPMB-së./RTV Dukagjini/Telegrafi/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe