Ish-trajneri i Zvicrës, Ottmar Hitzfeld tregon klubet ku do të shkëlqente sërish Shaqiri

Trajneri legjendar, Ottmar Hitzfeld, konsideron se mospërfshirja e Xherdan Shaqirit as në skuadrën e plotë të Liverpoolit, është shenjë e qartë e Jurgen Klopp se ai nuk bën pjesë në planet e trajnerit.

Mesfushori shqiptar është lënë jashtë ekipit të Redsave qe një kohë të gjatë dhe largimi nga Anfield është një opsion real dhe këtë e ka të qartë ish-trajneri i Zvicrës.

“Xherdani duhet të shkojë te një klub ku mund të luajë rregullisht. Ai duhet të jetë sërish i lumtur, të gjithë duam ta shohim Xherdanin të gëzuar. Një ndryshim do të ishte i mirë për të gjithë rreth tij dhe për fansat e tij”, ka deklaruar Hitzfeld për Blick.

Problemet e 28-vjeçarit me lëndime kanë bërë që klubet e mëdha të kenë dyshime për angazhimin e mesfushorit. Ndërsa 71-vjeçari ka dhënë emrat e klubeve që do t’i përshtateshin shqiptarit.

Lexo po ashtu Shaqiri shënon gol të jashtëzakonshëm, Liverpooli demolon Lincolnin dhe kalon në raundin tjetër të EFL Cup

“Një klub mesatar i Ligës Premier do të ishte një hap i mirë ose një klub nga Bundesliga, si Gladbachu, Leverkusen ose Wolfsburg. Për të rikthyer formën dhe për zhvilluar më shumë ndeshje”, ka thënë Hitzfeld. /Telegrafi/