Ish-banori i Big Brother VIP, Meridian Ramçaj në mbështetje të Trixës: Mos u pendo kurrë për të shkuarën as mos kërko të kthesh kohën pas

Beatrix Ramosaj gjatë këtyre ditëve mori vëmendje të madhe me një postim që e shpërndau në llogarinë e saj personale, Instagram.

Bëhet fjalë për një video, në të cilën flet për bullizmin që iu bë në rrjete sociale muajve të fundit, gjegjësisht pas daljes nga Big Brother VIP.

Për postimin, ajo mori përkrahje të madhe nga miqtë e të famshmit përshirë këtu edhe ish-banorin e Big Brother VIP, Meridian Ramçajn.

View this post on Instagram

A post shared by B E A T R I X (@beatrixramosaj)

Postimi i plotë i Meridianit (pa ndërhyrje):

“E dashur Beatrix Ramosaj. Lotët janë shumë të shtrenjtë dhe ato meritojnë të derdhen vetëm për raste të merituara si gëzime apo hidhërime por asnjë lot kot. Asnjë sekond nga jeta jote, energjia jote, emocioni apo ndjenja jote nuk duhet të shkojë për diçka që nuk të përket. Trixa…nëse të duket sikur po humbet gjithçka, kujto që edhe pemët çdo vit humbasin gjethet e tyre por qëndrojnë drejt e krenare duke pritur ditë të mira për të gjethuar sërish. Sa herë je e mërzitur Trixa kujto që: 1. Negativiteti i njerëzve të tjerë nuk është problem i yti dhe ti duhet thjesht ta injorosh dhe të qeshësh.

2. Dhimbja është pjesë e rritjes dhe plagët janë kujtesë e forcës për të mbijetuar çdo situatë të shëmtuar. 3. Çdo gjë është e përkohshme në ëktë jetë si ‘Lavdia dhe Rënia e Shokut Zylo’ ashtu edhe bullizimi i figurës tënde nga individë që ende nuk i kanë dhënë kuptim jetës së tyre.

4. Ajo që është shkruar për të ndodhur do të ndodhë ndaj mos u pendo kurrë për të shkuarën as mos kërko të kthesh kohën pas, pasi nuk ka gabime në këtë jetë vetëm mësime. 5. Ditë pas dite, hap pas hapi ajo që duhet të patjetër të bësh është vetëm të shohësh para me kokën lart dhe pozitivitet dhe ndaj atyre që duan të të zhysin në llumin e jetës së tyre. Për narcisistet dhe njerëzit toksikë është një e vërtetë: Në momentin kur ata e ndjejnë që nuk kanë asnjë kontroll tek ty, ata do të përpiqen të kontrollojnë e manipulojnë. Si të shohin të tjerët ty? Të duam siç je e qeshur, e çiltër dhe si thuhet në shqip e bukur??”. /Telegrafi/