Supermodelja, Irina Shayk, tërhoqi vëmendjen gjatë Javës së Modës në Milano, ku u shfaq me një fustan elegant me printe lulesh dhe çizme të gjata.
Me flokët e stiluar pas shpatullave dhe syze dielli të errëta, 39-vjeçarja spikati me hijeshinë dhe praninë e saj në pasarelën e Tod’s.
Irina, e njohur si modelja e parë ruse në kopertinën e Sports Illustrated Swimsuit Issue (2011), ka qenë një figurë qendrore në modë, duke sfiluar për marka prestigjioze në New York, Paris dhe Milano, shkruan DailyMail.
Këtë vit, ajo ka qenë pjesë e shfaqjeve të Blumarine dhe Tory Burch, duke dëshmuar sërish statusin e saj si një nga modelet më të kërkuara.
Përveç suksesit në karrierë, jeta personale e Irinës ka qenë gjithashtu në qendër të vëmendjes.
Ajo ka pasur marrëdhënie me yje si Cristiano Ronaldo, Kanye West dhe Tom Brady, ndërsa lidhja e saj më e gjatë ishte me aktorin Bradley Cooper, me të cilin ka një vajzë, Lea.
Pas ndarjes në 2019, ata kanë ruajtur një marrëdhënie të shkëlqyer si bashkëprindër, duke u përkushtuar që vajza e tyre të ketë një rritje sa më normale.
Ndërkohë, Bradley Cooper është në një lidhje me Gigi Hadid që nga viti 2023, por pavarësisht jetës së tij të ekspozuar, ai ka pranuar se është e vështirë të ruash privatësinë në një epokë të mbikëqyrjes mediatike.
Irina vazhdon të mbetet një ikonë mode dhe një figurë e fuqishme në industrinë e modës, duke dëshmuar se karizma dhe eleganca e saj janë të pakrahasueshme. /Telegrafi/
