Irani lëshon një numër dronësh në drejtim të Izraelit – ushtria izraelite jep detajet

Irani ka lëshuar një numër dronësh në drejtim të Izraelit, ka thënë ushtria izraelite.

Duke dhënë një deklaratë televizive, zëdhënësi i IDF-së, ushtaraku Daniel Hagari thotë se Izraeli është “mirë i përgatitur” për sulmin, shkruan Sky News, përcjell Telegrafi.

“Ne jemi përgatitur për skenarë të ndryshëm paraprakisht. Për të ‘kapur’ këto drone, ne kemi qarqet e mbrojtjes si nga marina ashtu edhe nga forcat ajrore në disa shtresa”, ka shtuar ai.

Ai shpjegon se fluturakja pa pilot do të marrë “disa orë” për të arritur në Izrael dhe sirenat do të tingëllojnë nëse ndonjë zonë është nën kërcënim.

“Together with our partners, the IDF is operating at full force to defend the State of Israel—and the people of Israel. This is a mission that we are determined and ready to fulfill.”

IDF Spokesperson RAdm. Daniel Hagari on the current attack from Iran: pic.twitter.com/rjNqLPFs9X

— Israel Defense Forces (@IDF) April 13, 2024

“Ne do të përpiqemi t’i pengojmë ata të arrijnë territorin izraelit, kjo është detyra jonë”, ka shtuar ai.

“Nëse ata hyjnë në hapësirën ajrore izraelite, atëherë do të dëgjoni sirena dhe alarme kudo që të hyjnë këto kërcënime dhe ne do t’i përgjojmë”.

לפני זמן קצר איראן שיגרה כלי טיס בלתי מאויישים משטחה לעבר שטח מדינת ישראל.

צה”ל נמצא בכוננות גבוהה ומגבש תמונת מצב בכל עת. מערך ההגנה האווירית נמצא בכוננות גבוהה במקביל למטוסי חיל האוויר וספינות חיל הים שנמצאים במשימת הגנה על שמי המדינה.
צה”ל במעקב אחר כלל המטרות.

אנו מבקשים…

— דובר צה״ל דניאל הגרי – Daniel Hagari (@IDFSpokesperson) April 13, 2024

Izraeli ka qenë në gatishmëri të shtuar që kur një sulm ajror javën e kaluar vrau dy gjeneralë iranianë në Siri.

Ndërkohë kryeministri izraelit Benjamin Netanyahu kishte thënë në një deklaratë të shtunën se Izraeli ishte përgatitur për një sulm nga Irani.

“Në vitet e fundit, dhe veçanërisht në javët e fundit, Izraeli është përgatitur për një sulm të drejtpërdrejtë nga Irani”, kishte thënë ai.

“Sistemet tona mbrojtëse janë vendosur; ne jemi gati për çdo skenar, si në mbrojtje ashtu edhe në sulm. Shteti i Izraelit është i fortë. IDF është e fortë. Publiku është i fortë”, tha ai.

Netanyahu falënderoi SHBA-në, Britaninë, Francën dhe aleatët e tjerë të saj për “qëndrimin përkrah Izraelit”.

“Ne kemi përcaktuar një parim të qartë: kushdo që na dëmton, ne do t’i dëmtojmë ata. Ne do të mbrohemi kundër çdo kërcënimi dhe do ta bëjmë këtë me nivele të larta dhe me vendosmëri”, thuhet në deklaratën e tij. /Telegrafi/