Inzaghi para Derby d’Italia: Kemi nëntë finale, duke filluar nga ajo me Juventusin

Simone Inzaghi përsëriti rëndësinë e Derby d’Italia nesër dhe vuri në dukje se ka gjithmonë kritika pavarësisht rezultateve.

Nerazzurrët e kanë nisur vitin 2022 në një mënyrë katastrofike, duke fituar vetëm tre nga 10 ndeshjet e ligës pas pushimit të Krishtlindjeve. Rënia e rezultateve i ka lejuar Milanit dhe Napolit t’i kapërcejnë në tabelën e Serie A dhe një humbje nga Juventusi nesër mund t’i japë fund shpresave të tyre për Scudetto.

Duke folur sot në një konferencë për shtyp, Inzaghi fillimisht ka diskutuar se çfarë pret nga Derby d’Italia e nesërme.

Lexo po ashtu Statistikat prapa rënies së Interit në vitin 2022

“Mendoj se është shumë e rëndësishme dhe nuk mund të kishte një lojë më të mirë për të dhënë një sinjal të fortë për mjedisin, por mbi të gjitha për veten tonë”, ka deklaruar ai.

Ai dha një përditësim për gjendjen fizike të Marcelo Brozovic.

“Ne të gjithë e dimë rëndësinë e Marcelos dhe të gjithë lojtarëve. Ai është themelor, na ka munguar shumë. Në këto ditë ai ka punuar mjaft mirë”.

“Sot, së bashku me De Vrij, ai do të bëjë të gjithë seancën stërvitore dhe do të shohim. Është e rëndësishme ta kemi atë me ne”.

Trajneri i Interit preku mentalitetin e skuadrës së tij dhe sa katastrofike do të ishte një humbje nesër.

“Patjetër. Ne kemi qenë bashkë vetëm dy ditët e fundit, por dje patëm një seancë të mirë stërvitore. Varet nga ne me paraqitje të forta, zemërim dhe karakter që të bëjmë më mirë. E dimë se ku ishim një muaj e gjysmë më parë.

Lexo po ashtu Interi po paguan një çmim të lartë për gabimi trashanik që e bëri në janar

“Kemi humbur më shumë pikë sesa paraqitje dhe e dimë që me lojë, agresivitet dhe vendosmëri nesër duhet të luajmë një lojë të madhe kundër një kundërshtari të madh. Do të shkojmë në Torino me personalitet dhe karakter”, shtoi ai.

Inzaghi kërkoi një shpjegim për këtë rënie të rezultateve.

“Mendoj se të gjitha skuadrat kanë pasur këto momente. I yni përkoi me derbin e humbur dhe përballjen  me Liverpoolin”.

“Në fillim të vitit do të kisha nënshkruar emrin tim që të isha në fillim të prillit pasi të kisha fituar një Superkupë, në 16-të e Ligës së Kampionëve pas më shumë se dhjetë vitesh dhe të luaja për një Scudetto dhe Ligën e Kampionëve, që është çfarë kërkoi klubi nga ne”.

Ai diskutoi se çfarë dëshiron të shohë në derbin e nesërm kundër Juventusit.

“Rezultati, sepse sa i përket performancave nuk ka munguar asnjëherë. Edhe shifrat e fundit na tregojnë se kemi krijuar shumë, pavarësisht se kemi marrë shtatë pikë në shtatë ndeshje”.

“Ka zhgënjim mbi të gjitha për rezultatet. Ne duam të fitojmë duke e ditur se kemi nëntë finale, duke filluar nga nesër, që është sigurisht më sfiduesja”, ka shtuar më tej Inzaghi. /Telegrafi/

🎙Terminata la conferenza stampa di mister #Inzaghi alla vigilia di #JuventusInter. Rileggi tutte le sue parole👉 https://t.co/lLQiWWq7QD pic.twitter.com/rOymcDSCAs

— FcInterNews.it (@FcInterNewsit) April 2, 2022