Inzaghi: Keqardhje për eliminimin, paguam çmimin e 15 minutave të fundit të ndeshjes së parë

Simone Inzaghi pranon se Interi largohet nga Liga e Kampionëve me keqardhje pasi mundi Liverpoolin në Anfield, por nuk ndihet i penduar që zgjodhi Alexis Sanchez si titullar dhe nuk e zëvendësoi para kartonit të kuq.

Nerazzurrët e dinin se ishte një mal për t’u ngjitur pasi humbën 2-0 ndeshjen e parë, por Lautaro Martinez me një supergol nga distanca hapi ndeshjen, e cila u ‘prish’ vetëm një minutë më vonë nga Sanchez që u përjashtua nga gjyqtari.

Me 10 lojtarë në fushë, përfundimi i rikthimit doli shumë i vështirë për Interin, i cili u eliminua në fund, përkundër fitores 0-1.

“Sigurisht që ka keqardhje të mëdha, pasi ne donim të arrinim në këtë raund me të gjitha forcat tona, ishim përballë Liverpoolit, i cili së bashku me Manchester Cityn dhe Bayern Munichun janë ekipi më i mirë në Evropë për momentin, dhe ne i luftuam ata si të barabartë”, ka thënë fillimisht Inzaghi për Sky Sport Italia.

Lexo po ashtu Liverpooli pëson nga Interi në Anfield, por vazhdon në çerekfinale

“Ne ndoshta po paguajmë çmimin për 15 minutat e fundit të ndeshjes së parë, sepse mendoj se kemi pasur dy ndeshje shumë të mira kundër një kundërshtari të shkëlqyer”.

“Mendoj se 75 minutat e para na panë se meritonim shumë më tepër, më pas pësuam gol nga një goditje nga këndi, që nuk ishte as e mirë, dhe goli i dytë me të vërtetë na rrëzoi”.

👏 | GRAZIE

🖤💙#LiverpoolInter #UCL #FORZAINTER ⚫️🔵 pic.twitter.com/phgtOBjYdC

— Inter ⭐⭐ (@Inter) March 8, 2022

“Erdhëm në Anfield për të dhënë më të mirën tonë dhe ne dolëm të forcuar nga ky takim me një ekip të madh. Gjatë periudhës sonë më të mirë të lojës dhe më të keqes për ta, Alexis Sanchez u përjashtua nga fusha, kjo ishte një kohë e keqe”.

Inzaghi në mënyrë të famshme zëvendëson lojtarët që janë me karton të verdhë, por vendosi të mbajë Sanchez edhe pasi ai rrezikoi një të kuq direkt për kartonin e parë ndaj Thiago Alcantara. A i vjen keq që nuk e bëri ndryshimin më herët?

“Absolutisht jo, sepse në atë moment më duhej Sanchez në fushë dhe nuk do ta ndryshoja atë në një natë si kjo”.

Lexo po ashtu Notat e lojtarëve: Liverpool 0-1 Inter, Alexander-Arnold e Skriniar me vlerësime të larta

Edin Dzeko, Robin Gosens dhe Felipe Caicedo mbetën në stol gjatë gjithë kohës në Anfield, kështu që a dha vërtet Interi gjithçka për të fituar?

“Kemi pasur disa probleme me fitnesin. Hakan Calhanoglu ishte i lodhur, Dzeko do të jetë shumë i rëndësishëm në Torino, ndaj më duhej të bëja llogaritë të tjera. Nuk po mundohesha të mbroja 1-0, po përpiqesha ta mbaja në ekuilibër deri në fund, në mënyrë që ta rrëmbenim me një lojë të vendosur”.

“Keqardhja është Sanchez, sepse Liverpool me të vërtetë u trondit nga goli i Lautaros dhe unë doja të shihja se çfarë ndodh më pas”, përfundoi trajneri i Interit. /Telegrafi/