Interi nuk e ka nisur mirë Ligën e Kampionëve, duke barazuar në shtëpi me Slavia Pragën 1-1.
Interi e nisi më mirë ndeshjen, duke pasur disa raste, fillimisht me Stefan de Vrij në minutën e 12-të, por gjuajtja e tij shjoi mbi portë.
Pas tij provuan edhe Lautaro Martinez (16’) dhe Danilo D’Ambrosio (24’), por as këta nuk e gjetën portën.
20 minutat e pjesës së parë shkuan pastaj në qetësi duke mos pasur raste.
Pamje nga ndeshja . (Photo by Emilio Andreoli/Getty Images)
Pjesa e dytë nuk ka nisur mirë për Interin.
Ka qenë sulmuesi nigerian Peter Olayinka, që më parë ka luajtur te Skënderbeu i Korçës që ka arritur ta gjejë rrjetën.
Zhvillohej minuta e 64-të kur sulmuesi pas dy tentimeve arriti ta mposht portierin Samir Handanovic (1-0).
Peter Olayinka duke shënuar . (Photo by Emilio Andreoli/Getty Images)
Interi nuk u dorëzua dhe filloi sulmet drejt portës së çekëve, por duke lënë zbrastësi prapa dhe duke rrezikuar edhe golin e dytë.
Italianët golin e barazimet e gjetën në kohën shtesë.
Ishte Nicolo Barella që me një goditje brenda zonës e barazoi rezultatin (1-1).
Nicolo Barella . (Photo by Emilio Andreoli/Getty Images)
Interi në fund e kishte edhe një rast me Lukakun, por që portieri mbro.
Interi dhe Slavia kanë nga një pikë pas xhiros së parë. /Telegrafi/
