Immobile në ndjekje të rekordit, nëse shënon kundër Interit barazon arritjen e Salah dhe Lewandowskit

Ylli i Lazios, Ciro Immobile, mund të bëhet lojtari i tretë që shënon të paktën 15 gola në ligë në secilin nga gjashtë sezonet e fundit, pas Mohamed Salah dhe Robert Lewandowskit.

Kapiteni i Biancocelesteve ka shënuar 14 gola në 16 paraqitje në Serie A përpara ndeshjes së sotme kundër Interit në Stadio Meazza, e cila fillon në orën 20:45.

Nëse ai do të gjej golin kundër Nerazzurrëve, ai do të bëhej lojtari i tretë që shënon të paktën 15 gola në secilën nga gjashtë sezonet e fundit.

Vetëm Mohamed Salah dhe Robert Lewandowski kanë arritur po aq gola në ligë deri më tani.

Anësori sulmuesi i Liverpoolit ka shënuar 16 gola në 20 ndeshje në Ligën Premier këtë sezon, ndërsa polaku i Bayern Munich ka 20 gola në 18 ndeshje të Bundesligës në sezonin 2021/2022.

Lexo po ashtu Immobile barazon rekordin e legjendës Piola, bëhet golashënuesi më i madh i të gjitha kohërave te Lazio

Këtë sezon, Cristiano Ronaldo ka shënuar tetë gola në 16 ndeshje në Ligën Premier, ndërsa Lionel Messi ka shënuar vetëm një herë në 11 ndeshje të Ligue 1 me Paris Saint-Germain.

Detyra e Immobiles do të jetë goxha e vështirë sonte pasi Interi, i trajnuar nga ish-trajneri i tij Simone Inzaghi, fitoi gjashtë ndeshjet e fundit radhazi në Serie A pa pësuar gol. /Telegrafi/