Qeset plastike që u nxorën prej një balene të ngordhur, tregojnë për gjendjen alarmuese në të cilën ndodhen detet.
Gjallesa ishte në gjendje të rëndë, kur atë e gjetën shpëtimtarët, në një kanal të Tajlandës, transmeton Telegrafi.
Balena u përshkrua si e ‘dobësuar’, pasi kishte pasur problem të ushqehej, si pasojë e mbushjes së barkut këto objekte plastike.
Përpjekja për ta shpëtuar u konsiderua e kotë, në momentin që volli pesë qese. Megjithëse u përpoqën ta shpëtonin, ngordhi vetëm pak kohë më vonë.
Një prej kirurgeve që po e trajtonte balenën, ka thënë se ky është rasti më i keq, që ka trajtuar si pasojë e ndotjes së ujërave me mbeturina.
Autopsia ka zbuluar 80 qeset në barkun e krijesës, që peshonin tetë kilogramë, të cilat ia kishin pamundësuar të merrte ndonjë ushqim të shëndetshëm.
Në anën tjetër, Tajlanda është një prej shteteve që përdorë më së shumti qese plastike. /Telegrafi/
