Imazhe që tregojnë gjendjen tronditëse të ushtarit ukrainas të mbajtur rob për rreth 20 muaj nga Rusia

Disa imazhe tmerruese thuhet se tregojnë se si një ushtar ukrainas i mbajtur i burgosur nga Rusia, i uritur, për 20 muaj.

Sipas mediave të huaja, përcjell Telegrafi, Volodymyr Tsema-Bursov, 41 vjeç, duket dhimbshëm i dobët në imazhet e bëra në janar, kur ai u lirua gjatë një shkëmbimi të të burgosurve.

Volodymyr, i cili është 1.91 metra i gjatë, humbi gati gjysmën e peshës së tij trupore dhe tani peshon vetëm 57 kilogramë.

Dhe fotot e tij “pas” mund të krahasohen me fotografitë e bëra në një kamp vdekjeje naziste të Luftës së Dytë Botërore.

Lexo po ashtu Ishte “gabimi i fundit” i tij: Putini shkarkon komandantin e flotës, për shkak të zhvillimeve të fundit në Detin e Zi

Andaj ai po trajtohet për probleme të shumta mjekësore të shkaktuara nga uria.

Volodymyr po shërbente me Brigadën e 56-të të Këmbësorisë të Motorizuar të Veçantë të Ukrainës kur u kap më 12 prill 2022.

Ai kishte punuar më parë si muzikant në Mariupol dhe në anije turistike dhe i ishte bashkuar orkestrës së brigadës në vitin 2020.

Ai u kap nga forcat ruse kur ata sulmuan fabrikën e çelikut Ilyich, sipas mediave lokale.

Volodymyr u mbajt në rajonin e pushtuar nga Rusia në Luhansk dhe gjithashtu thuhet se i ishte nënshtruar torturave.

Besohet se rusët i rrahën dhe abuzuan me të burgosurit e tyre dhe kur Volodymyr u lirua ai ishte aq i hutuar sa as nuk e kuptoi se ishte kthyer në Ukrainë.

Volodymyr tha: “Tani po trajtohem në një nga objektet mjekësore në rajonin e Poltava. Shëndeti im është shumë më keq nga sa prisja”.

“Unë kam, siç thonë ata, një ‘buqetë të tërë’ sëmundjesh,…”. /Telegrafi/