Instituti Kombëtar i Shëndetësisë Publike të Kosovës (IKSHP) ka apeluar që të mos vritet Ariu i Murrmë i Prizrenit.

Reagimi i IKSHP vjen pasi Inspektorati i Agjencionit të Pyjeve, ka dhënë autorizim për vrasjen e një ariu që po shkakton dëme në rajonin e Prizrenit dhe një gjë e tillë pritet të bëhet brenda 15 ditëve.

Përmes një postimi në Facebook – ky institut bën thirrje që të mos vritet edhe ariu i shumëkërkuar.

Më tej thuhet se duke ruajtur kafshët, ruajmë natyrën dhe mjedisin ku jetojmë.

Postimi i plotë i IKSHP:

“Ruani kafshët!
Ruani ariun!
Ruani natyrën!
Ruani mjedisin ku jetoni!

E keni ruajtur ekosistemin dhe shëndetin tuaj!”, ka apeluar ky institucion përmes Facebookut.

Ariu në Prizren do të vritet Ariu në Prizren do të vritet

Kundër vrasjes së ariut ka dalë edhe Agjencia për Mbrojtjen e Mjedisit në Kosovë (AMMK).

Paralajmërohet padi ndaj atyre që do ta vrasin ariun e Prizrenit Paralajmërohet padi ndaj atyre që do ta vrasin ariun e Prizrenit

Sipas kësaj agjencie ariu është kafshë në mbrojtje të ligjit të natyrës, dhe se do të paditet çdo institucion i cili vret një kafshë të mbrojtur nga ligji.

Ndaj vendimit për vrasjen e Ariut të Murrmë kanë reaguar edhe institucione e personalitete të shumta. /Telegrafi/