Ibrahimovic pritet të njoftojë sot për trajnerin e ri të Milanit

Milani do të njoftojë sot (e enjte) se Paulo Fonseca është trajneri i tyre i ri me një kontratë trevjeçare, teksa Zlatan Ibrahimovic mban konferencën e tij të parë për shtyp, pas rolit të marrë në klub.

Vendimi për emërimin e teknikut portugez ishte marrë javë më parë, pasi Stefano Pioli kishte ndërprerë kontratën me pëlqimin e dyanshëm, por konfirmimi u vonua deri më sot.

Raportohet se Fonseca nënshkroi një kontratë trevjeçare deri në qershor 2027, në vend të një marrëveshje dyvjeçare me opsion zgjatjeje për një vit të tretë.

👉 Come anticipato, Fonseca ha firmato un triennale con il @acmilan ( non biennale con opzione) a 3 milioni a stagione. Oggi l’ufficialità ✅

— Daniele Longo (@86_longo) June 12, 2024

51-vjeçari pritet të fitojë tre milionë euro në sezon në San Siro.

Ky është një rikthim në Serie A për Fonseca, i cili ishte në Romë nga 2019 në 2021, më pas pati një periudhë dyvjeçare në Francë me Lille.

Në një shfaqje se sa i rëndësishëm është bërë në klub në rolin e tij si këshilltar special i RedBird dhe presidentit Gerry Cardinale, Ibrahimovic do të mbajë konferencën e sotme për shtyp.

Ish-sulmuesi thuhet se ka luajtur një rol kryesor në zgjedhjen e Fonsecas dhe gjithashtu mund të japë disa zbulime mbi strategjinë e transferimit, pasi negociatat vazhdojnë me sulmuesin e Bolognës, Joshua Zirkzee. /Telegrafi/