IBM paralajmëron: Mungesa e çipave mund të zgjas me vite

Shenjat po forcohen se tregu mund të rimëkëmbet deri në vitin 2023.

Veturat, laptopët, pajisjet shtëpiake, konzollat ​​e lojërave dhe shumë tregje të tjera aktualisht janë duke u goditur rëndë nga mungesa e çipave.

Për shkak të ndalimit të prodhimit për gjysmëpërçuesit gjatë pandemisë së coronavirusit, shumë rezerva janë konsumuar. Në të njëjtën kohë, kërkesa e konsumatorit për pajisje të reja u rrit dhe shitjet u rritën në qiell, transmeton Telegrafi.

Presidenti i IBM Jim Whitehurst i tha BBC-së se mungesa e çipave nuk mund të kompensohej lehtë. “Ka vonesa të gjata midis zhvillimit të teknologjisë së re, procesit të bërjes së saj në fabrikë dhe prodhimit të cipave”, tha Whitehurst. Mund të “duhen disa vjet” para se kapaciteti i mjaftueshëm të ndërtohet gradualisht përsëri për të lehtësuar pasojat e mungesës.

Industria mund të duhet të mendojë për mënyra të reja për të përdorur çipat. Dikush duhet të zgjasë jetëgjatësinë e disa teknologjive dhe t’i riciklojë ato. Përveç kësaj, duhet të investohet më shumë në fabrika. /Telegrafi/