Ky është momenti dramatik kur dy rrëmbyes arrijnë t’ia marrin nga dora djalin e vogël një nëne, e cila po ecte në skaj të një rruge në Guatemalë.

Rrëmbimi ka ndodhur në Zacapa, rreth 70 milje larg kryeqytetit të Guatemalës, transmeton Telegrafi.

Kamerat e sigurisë kanë filmuar momentin kur ia rrëmbejnë vogëlushin të ëmës, e cila iu kundërvihet me tërë forcën që kishte – por pa ndonjë rezultat.

Edhe pse kalimtarë të shumtë ishin përreth tyre, asnjëri prej tyre nuk mori mundin që t’i dalë në ndihmë kësaj gruaje, e cila luftoi duke tentuar t’i ndalë.

Njëri prej rrëmbyesve i vërsulet gruas në qendër të qytetit në mes të ditës ia merr vogëlushin, e tjetri e priste në motoçikletë me qëllim që të largohen me shpejtësi nga vendi i ngjarjes.

Deri më tani nuk dihen motive e këtij rrëmbimi, por policia ka bërë të ditur se ka filluar hetimet për këtë rast.

Në anën tjetër, mediat lokale raportojnë se policia ka arritur ta gjej vogëlushin disa orë më vonë në një stacion të trenave. /Telegrafi/