Brendia e kësaj makine që mbushet me rrymë, tregon se kulmi saj mund të largohet

GMC kishte planifikuar që në datën e sotme, ta prezantonte Hummerin e ri që mbushet me rrymë, për të rivalizuar me Tesla Cybertruck, Ford F-150 dhe Rivian R1T, transmeton Telegrafi.

Si pasojë e situatës me coronavirus, kjo makinë nuk ka mundur të prezantohej, ndërsa lansimi i saj nuk pritet të ndodhë gjatë këtij viti.

Mirëpo, GMC nuk do të lejojë që të harrohet kjo makinë, të cilën e kemi parë kohë me parë dhe ka një kulm me panele xhami. Tani, GMC e ka shfaqur një pjesë të brendisë, që duket se ka një mundësi të ngjashme me Jeep Wrangler apo Gladiator.

Gjithçka që thuhet, është se panelet e xhamit largohet me lehtësi dhe ofrojnë një mundësi shumë freskuese gjatë udhëtimit. Derisa, nuk janë bërë të dhëna konkrete, duke mos lënë të kuptohet se si do të funksionojë.

Bazuar në pamjen e ofruar, shihen katër panele të ndryshme, të cilat mund të largohen, si dhe strukturën në formën e shkronjës T, e cila mbetet e zbuluar dhe ofron vozitje me kulm të hapur.

Janë tre motorë elektrikë brenda këtij Hummeri, që i mundësojnë të prodhojë deri në 1,000 kuaj fuqi, derisa shpejtësinë nga zero deri në 100 kilometra në orë mund të arrijë për tre sekonda.

Dukja e këtij Hummeri, ka mbetur në përgjithësi e njëjtë me modelin e mëparshëm, por pritet që teknologjia të jetë e lartë dhe të ofrojë vozitje shumë të mirë. /Telegrafi/