Humbi të ëmën shumë vite më parë, Morena Taraku me mesazh të fuqishëm: Duajini nënat sepse janë bota e njerëzimit, meritojnë dashuri pa fund

Këngëtarja dhe modelja e njohur shqiptare, Morena Taraku, ka humbur nënën që në moshë të re.

Ajo shpesh ndan me fansat postime të ndryshme, gjersa nuk mungojnë as dedikimet për të ëmën e ndjerë.

E njëjta së fundmi ka publikuar në InstaStory një ngjarje, nëpërmjet së cilës ka dërguar edhe një mesazh të fuqishëm.

Krijuesja e hitit “Ki me bo” ua ka bërë me dije ndjekësve që t’i duan nënat e tyre, pasi janë bota e njerëzimit dhe se meritojnë dashuri të pa fund.

Lexo po ashtu Të gjitha lajmet nga Morena Taraku

“Nuk kisha dëgjuar kohë të gjatë erë qumështi të zier. Isha tek një shoqe dhe nëna e saj kishte vënë qumështin të ziej për ta bërë kos, o Zot për një moment më doli nëna ime përpara se kishte plot 17 vite të tëra që nuk kisha nuhatur erë të tillë në kuzhinën e shtëpisë time. Më dolën lot. Po qaja si fëmijë sepse smë kishte ndodhur kurrë. Se di përse desha ta ndaj me juve”.

“Duajini nënat sepse janë bota e njerëzimit. Gjithë nënat e botës meritojnë dashuri pa fund”, kanë qenë fjalët e Tarakut.

View this post on Instagram

A post shared by K I N G M T ♔ (@morenataraku)

Morena përndryshe që disa vite është zhvendosur për të jetuar në shtetin turk. /Telegrafi/