Svetlana Evai i ka mbijetuar mrekullisht humbjes për dy javë, në një mal të pjesës ruse të Arktikut.

Adoleshentja 15-vjeçare ka shmangur arinjtë e murrmë dhe ujqit polarë, ndërsa lëvizte e vetmuar nëpër tundër, duke mbijetuar vetëm me ujë dhe boronica të papjekura, transmeton Telegrafi.

Njësitet e shpëtimit kanë arritur në gadishullin Gydan, tri ditë pasi ajo nuk u paraqit në familje – në këtë zonë që konsiderohet të jetë ndër më të egrat dhe me terrene më të vështira në botë.

Evai pasi u gjet në mal

Atë nuk e kanë gjetur as pas 12 ditësh kërkimi edhe me helikopter, megjithëse  nuk ishte më larg se 11 kilometra nga hapësira ku qëndronte familja saj.

Reklama

Si pasojë e urisë dhe ekspozimit, mjekët e konsideruan gjendjen e saj si prej ‘varri’. Por, ajo nuk e ka asnjë lëndim dhe gjendja saj nisi të rregullohej pas ushqimit të rregullt dhe tani nuk ka asnjë pasojë për jetë.

Reklama

Nxënësja që i përket një familje nomade që grumbullojnë drerë, ka humbur në mal derisa po kthehej nga një kamp veror, ku e kishte vizituar të vëllain.

Shpresa për ta gjetur atë po shuhej, pasi netët e fundit të verës ishin shumë të ftohta. Derisa familjarët brengoseshin të jetë shqyer nga arinjtë, që ishin parë duke hungërirë në atë zonë.

Aksioni për ta gjetur adoleshenten

Reklama

“Atë e gjeti xhaxhai, që ishte bashke më njësitin kërkues. Svetlana vrapo duke qarë në drejtim të tij” ka thënë hala e adoleshentes së gjetur.

Atë e kanë dërguar me helikopter në spital, pasi ishte shumë e dobët me shëndet, sepse e tëra që kishte konsumuar ishte uji, boronicat dhe fryte të egra, shumica prej tyre të papjekura.

Reklama

Mbijetesa saj po konsiderohet si mrekulli, meqë në atë zonë temperatura ngritën deri në 27 gradë Celsius, për të rënë nën zero gjatë natës.

Raportohet se të gjitha organet vitale i ka në rregull, megjithëse ka marrë ftohje pasi fjeti e shtrirë në tokë, ku edhe iu lagën rrobat. /Telegrafi/

Reklama