Hiti i Silva Gunbardhit vazhdon të jetë ndër këngët më të dëgjuara shqipe

“Të ka lali shpirt” vazhdon të jetë një prej këngëve më të dëgjuara nga estrada shqiptare.

Kënga e publikuar në janar të vitit 2013 ka arritur suksese të mëdha, sidomos në shërbimin më të popullarizuar të shpërndarjes së videove, YouTube.

Bashkëpunimi i Silva Gunbardhit, me Mandin dhe Dafin ka kaluar shifrën prej 400 milionë shikimesh në YouTube.

Lexo po ashtu Lajmet për Silva Gunbardhi

Natyrisht se ky sukses e ka gëzuar këngëtaren, e cila e ka bërë edhe një postim në rrjetet sociale për të treguar për këtë arritje.

https://www.instagram.com/p/BmVaWzlghQFTnpeMNkuCeIDadd3m8JcN4bji0w0/

Projekti që është prodhim i Max Production, ishte realizuar me muzikë dhe orkestrim të Alfred Sulës, ndërsa ishte incizuar në AS Recording Studio.

Për një kohë të gjatë, “Të ka lali shpirt” qëndroi në vend të parë si kënga shqipe me më së shumti shikime.

Kjo zgjati deri kur Era Istrefi e lansoi hitin e saj të madh, “Bonbon”. Kënga e Erës ishte larguar nga YouTube dhe ishte ripublikuar pas marrëveshjes me Ultra Music, ndërsa aktualisht numëron mbi 604 milionë shikime. /Telegrafi/