0Shares

Kryesia e Organizatës së Veteranëve të Luftës së Ushtrisë Çlirimtare të Kosovës ka reaguar lidhur me raportimet për hetimet nga Gjykata Speciale ndaj Rrustem Mustafës-Remit.

OVLUÇK thekson se nuk janë kundër drejtësisë, por janë kundër Gjykatës Speciale.

Rrustem Mustafa - Remi, i ftuari i parë i Gjykatës Speciale Rrustem Mustafa - Remi, i ftuari i parë i Gjykatës Speciale

Lexoni të plotë njoftimin e OVLUÇK-së:

“Për shumë vite pas luftës ishim dëshmitarë të dështimit total të drejtësisë ndërkombëtare, e cila përmes mekanizmave të ashtuquajtur të drejtësisë, vazhdimisht organizoi komplote kundër luftëtarëve të Ushtrisë Çlirimtare të Kosovës.

Edhe në rastin e zhvillimit të hetimeve nga Gjykata Speciale, ndaj Komandant Remit – Rrustem Mustafa dhe të tjerëve, konsiderojmë se është duke u bërë padrejtësi, për shkak se Ushtria Çlirimtare e Kosovës ka bërë luftë çlirimtare mbrojtëse në pajtim me konventat ndërkombëtare.

Ne si OVL UÇK, e kemi thënë se nuk jemi kundër drejtësisë dhe për këtë kemi kërkuar gjykatë vendore që i ndjek krimet, por kemi qenë dhe jemi kundër gjykatës speciale, për shkak se është një etnike dhe e cila nuk ka për qëllim ndjekjen e atyre që kanë kryer krime, por vetëm komprometimin e luftës sonë çlirimtare”. /Telegrafi/

Të Ngjajshme
Shfaq Komentet (0)