Paris Saint-Germaini ka shënuar fitore prej 4-2 si mysafir i Toulouse në Stadium Municipal.

Me një gol nga penaltia, Zlatan Ibrahimovic e nisi serinë e golave (32’). Mirëpo, pa përfunduar pjesa e parë, Wissam Ben Yedder e barazoi rezultatin (44’).

Ezequiel Lavezzi pranoi një top nga Matuidi për ta rikthyer epërsinë e mysafirëve (56’).

Një gjuajtje të lirë nga Yohan Cabaye, Ibrahimovic e shfrytëzoi për ta shënuar golin e dytë personal (68’).

Edhe Ben Yedder shënoi golin e dytë personal për t’i rikthyer në lojë vendasit (72’).

Por, aty ishte Ibracadabra për të shuar shpresat për barazim. Panenka e suedezit u ndal nga portieri vendas, mirëpo 32-vjeçari reagoi shpejt për ta kompletuar het-trikun (89’).

Paris Saint-Germaini ka pesë pikë më shumë se rivali kryesor për titull, Monaco. /Telegrafi/