Haziri ngushëllon familjen Ibrahimi me rastin e vdekjes tragjike të 16-vjeçares, Mirlinda Ibrahimi

Kryetari i Komunës së Gjilanit, Lutfi Haziri, e ka ngushëlluar familjen Ibrahimi me rastin e ndarjes nga jeta në mënyrë tragjike të 16-vjeçares nga Capari, Mirlinda Ibrahimi.

“E nderuara familje Ibrahimi,

Me trishtim e mora lajmin për ndarjen nga jeta në mënyrë tragjike të vajzës suaj, Mirlindës. Kjo ngjarje e rëndë më ka shokuar mua dhe të gjithë qytetarët e Gjilanit.

Si institucion i Komunës, do t’ju qëndrojmë prapa për çdo gjë dhe në çdo kohë.

E lus Zotin që të bëheni të fortë dhe ta përballoni këtë humbje të madhe për familjen Ibrahimi, por edhe për ne të tjerët.

Ngushëllimet më të sinqerta familjes suaj, shokëve e shoqeve të saj dhe gjithë farefisit”, thuhet në telegram.

Ndryshe një 16 vjeçare nga fshati Capar i Gjilanit ka humbur jetën sot aksidentalisht.

Lexo po ashtu Si pasojë e kontaktit me energjinë elektrike, humb jetën një 16 vjeçare nga Gjilani

Siç mëson Telegrafi, ajo ka vdekur nga kontakti me rrymën që ka pasur.

16 vjeçarja me inicialet M.I sipas informatave të Telegrafit ka vdekur si pasojë e goditjes së rrymës elektrike gjatë dushit, pasi që bojleri ishte i ndezur.

Varrimi i të ndjerës është bërë sot në varrezat e Caparit./Telegrafi/