Haziri: Kemi pasur pritje që do ta fitojmë Gjilanin në raundin e parë

Kandidati i LDK-së për kryetar të Gjilanit thotë se pritjet e tij dhe të partisë kanë qenë tjera për këtë komunë.

“Pritjet kanë qenë që gara do të kryhet në raundin e parë. Por pas sondazheve pati mobilizime të mëdha. Pritjet për mua kanë qenë se do të dalim më mirë”, deklaroi Haziri në “Debat Plus”.

Ai thotë se megjithatë LDK bëri rikthimin e madh politik.

“Tashmë jemi konfirmu si parti e parë larg nga LVV e PDK”, tha ai, përcjell Telegrafi.

Nënkryetari i LDK-së duke folur për akuzat se a ka bashkëpunuar me Listën serbe, thotë se në Gjilan prej tetë vitesh ai bënë koalicione me grupet e vogla politike.

“Ne kemi bërë koalicione me AAK, AKR, KDTP-në por edhe Lista Serbe ka elektoratin ën Gjilan. Këtë mandate nënkryetarë e kemi pasur nga KDTP. Nuk është e vërtet se rezultati ynë është nga grupet etnike. Ne kemi punuar shumë që të integrojmë komunitetin serb. Nuk them se nuk kontrollohet nga Beogradi por jo në masën sa në veriun e Kosovës”.

“Pakicat në Gjilan nuk janë determinues të rezultatit zgjedhor pasi janë rreth 3%. Vet LVV ka bërë koalicione të fshehta në Gjilan. Vet vota e kandidatit të PDK-së tregojnë se ka pasur një marrëveshje të fshehtë PDK-LVV në Gjilan. Edhe ish-kryetari Qemajl Ahmeti (PDK) ka dalë publikisht në mbështetje të kandidatit të LVV-së në Gjilan”, tha ndër të tjera Lutfi Haziri./Telegrafi/