LAJMI I FUNDIT:

Haziri flet për rastin e Agon Musliut: Asnjëherë nuk më është komunikuar se i ndjeri ka probleme shëndetësore

Haziri flet për rastin e Agon Musliut: Asnjëherë nuk më është komunikuar se i ndjeri ka probleme shëndetësore

Kryetari i komunës së Gjilanit, Lufti Haziri ka raportuar në Komisionin hetimor parlamentar lidhur me menaxhimin e pandemisë, saktësisht ka raportuar rreth rastit të të ndjerit Agon Musliu.

Haziri ka treguar për komunikimin që ka pasur me prindin e Agonit, duke kërkuar kështu që vdekja e tij, siç e ka quajtur ai kjo “njollë e zezë” sa më parë të zbulohet nga organet e rendit.

“Në ditët e fundit të muajit prill më ka kontaktuar babi i tij Naim Musliu, duke më njoftuar për rastin e djalit të tij që ka qenë i vendosur në Gjermani. Ai ka kërkuar që të angazhohem personalisht për kthimin e djalit të tij në Kosovë. E kam telefonuar ambasadorin e Kosovës në Gjermani, Beqë Cufaj duke e njoftuar për kërkesën e babait të Agonit që në bazë të mundësive dhe detyrave të ambasadës të mundësohet kthimi i tij në atdhe. Më 1 maj 2020 Naim Musliu më ka kontaktuar sërish dhe ka kërkuar që t’i mundësohet që të shkohet në Aeroport për ta marrë djalin e tij”, ka thënë Haziri.

Babai i Agon Musliut tregon bisedën e fundit që kishte pasur me të
Lexo po ashtu Babai i Agon Musliut tregon bisedën e fundit që kishte pasur me të

Haziri më tej ka shtuar se Qendra Operative e Ministrisë së Punëve të Brendshme i ka dhënë leje, Musliut që të shkoj në Aeroportin “Adem Jashari” që ta marrë djalin e tij.

“Qendra Operative Emergjente në Gjilan i ka shkruar letër zyrtare Qendrës Operative të MPB-së e cila ka kthyer përgjigje se i jepet leja z.Musliu që të shkoj në Aeroport. Më 3 maj z.Musliu prapë ka kontaktuar Qendrën Operative Emergjente në Gjilan duke kërkuar që t’i dërgohet kërkesë Qendrës Operative në MPB, pasi i ndjeri Agon Musliu nuk ndjehej mirë. Qendra Operative Emergjente në Gjilan ka kërkuar nga Qendra Operative e MPB-së që të dërgohet një psikiatër tek i ndjeri”, tha Haziri.

Ambasadori Cufaj refuzon t’i përgjigjet deputetëve për rastin e Agon Musliut
Lexo po ashtu Ambasadori Cufaj refuzon t’i përgjigjet deputetëve për rastin e Agon Musliut

I pyetur se a i është komunikuar ndonjëherë se i ndjeri Agon Musliu mund të ketë probleme të shëndetit mendor, Haziri ka thënë se nuk ka qenë i njoftuar.

“Asnjë problem shëndetësor nuk është paraqitur tek unë, dhe si i tillë nuk kam mundur ta prezantoj në asnjë rast. Te unë është kërkuar vetëm riatdhesimi për shkak të izolimit dhe i mbetur si i vetëm në Gjermani. Na është thënë se edhe studentët janë në mesin e atyre me prioritet për tu kthyer në vend. Për mua ka qenë përtej se falënderuese angazhimi i ambasadorit Cufaj për kthimin e tij në Kosovë”, tha Haziri.

Ndryshe, në fillim të majit 26 vjeçari Agon Musliu kishte gjetur vdekjen pasi ishte hedhur nga kati i 4-të i Qendrës Studentore që shërbente si karantinë. /Telegrafi/

Në trend Lajme

Më shumë
Lajçak me post të ri nga shtatori

Lajçak me post të ri nga shtatori

Lajme
Bajrami i reagon Muratit pasi tha se ka rritje të qarkullimit të biznesve, e fton për përballje

Bajrami i reagon Muratit pasi tha se ka rritje të qarkullimit të biznesve, e fton për përballje

Lajme
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Lajme
Aksident tragjik në Kërçovë, humbin jetën tre persona

Aksident tragjik në Kërçovë, humbin jetën tre persona

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori