Harley-Davidson tregon motorin elektronik të ri

LiveWire One nga marka e kultit Harley-Davidson shkon më tej dhe është më e lirë se paraardhësi i tij.

Harley-Davidson ka prezantuar modelin e dytë të motorit të plotë elektrik.

Livewire One përfiton nga përvoja që kompania amerikane ka fituar me modelin e saj të parë Livewire.

Modeli i ri është më i lirë se ai i mëparshmi.

Diapazoni 230 kilometra

Siç raporton Engadget, LiveWire One duhet të jetë në gjendje të udhëtojë 230 kilometra me një karikim të baterisë.

Me modelin e mëparshëm ishte gati 180 kilometra. Falë opsionit të karikimit të shpejtë, bateria mund të mbushet nga 0 në 80 për qind në 45 minuta. Harley-Davidson ende nuk ka dhënë kapacitetin e saktë.

Falë një sensori përshpejtimi me 6 boshte, shoferi mbështetet nga sistemet e ndihmës gjatë frenimit dhe gjatë kthesave.

Ekziston gjithashtu një lidhje me telefonat inteligjentë, që do të thotë, për shembull, që informacioni i vozitjes të transmetohet në ekranin e motorit.

LiveWire One pritet të shitet për 21,999 dollarë, që do të thotë një çmim prej 8,000 dollarë më i lirë se paraardhësi i tij.

E-motor fillimisht do të shitet në SHBA dhe do të arrijë në tregjet ndërkombëtare në 2022. /Telegrafi/