Haradinaj reagon për sulmin ndaj dy pjesëtarëve të Policisë në Gjakovë: Kjo nuk do t’i ndalojë ata

Kryeministri i vendit, Ramush Haradinaj ka thënë se sulmet ndaj zyrtarëve policiorë, nuk do ti pengojnë ata në kryerjen e detyrës së tyre.

Lexo po ashtu Sulmohen me armë zjarri zyrtarët policorë në Gjakovë

Përmes një reagimi në Facebook rreth sulmit të djeshëm ndaj dy zyrtarëve policiorë në Gjakovë, Haradinaj ka thënë se është krah tyre dhe se i ikuraojn ata që të mos zmbrapsen nga kjo luftë me rëndësi jetike për rininë edhe të ardhmen e tyre.

Reagimi i plotë:

Sulmi i djeshëm në Gjakovë ndaj pjesëtarëve të Policisë së Kosovës, të angazhuar me përkushtim në implementimin e planit operativ “Stop Drogës në Shkolla”, nuk do ta ndalojë zbatimin e këtij aksioni.

Policia e Kosovës ka qenë shumë aktive dhe e suksesshme në përmbushjen e këtij synimi. Jam krah tyre dhe i inkurajoj ata, që të mos zmbrapsen nga kjo luftë me rëndësi jetike për rininë dhe të ardhmen e tyre.

Zotimit tim, për siguri në ambientet shkollore dhe moslejim të ekspozimit të fëmijëve tonë ndaj substancave narkotike, do t’i shkoj gjer në fund. Jam i angazhuar pareshtur, në bashkëpunim me të gjitha institucionet relevante, që kjo dukuri të mos vazhdojë të helmojë më rininë tonë. /Telegrafi/