Deputeti i AAK-së njëherit edhe kryetar i këtij subjekti ka kërkuar nga Qeveria e Kosovës që të formojë Komisionin shtetëror për shënimin e kufirit me Malin e Zi.

“Unë i propozoj Qeverisë që të formojë komisionin shtetëror për shënimin e kufirit me Malin e Zi. Ai komision nuk është ekzistues, ka pas shkarkime dhe dorëheqje. Ju premtoj që si Aleancë do të ju përkrahim për formimin e këtij komisioni”, ka thënë Haradinaj.

Haradinaj ka shtuar se arsyeja që duhet të krijohet ky komision, është sepse nuk ka ndodh demarkimi me Malin e Zi, shkruan Telegrafi.

“Komisioni i Kosovës dhe ai i Malit të Zi, nuk i kanë qit gurtë. Kufiri që është sot është ai që e kemi gjet para marrëveshjes”, u shpreh Haradinaj.

Reklama
Reklama

Deputeti i AAK-së, më tej ka shtuar se Kuvendi i Kosovës ka hyrë në obligim për t’i zbatuar të gjeturat e raportit të Komisionit Shtetëror.

“Nëse nuk respektohet raporti i këtij komisioni atëherë bëhet shkelje ligjore por edhe Kushtetuese. Nëse Mali i Zi nuk shpreh gatishmëri të ecet në këtë radhë, atëherë kjo çështje duhet të kalojë në arbitrazh. Mali i Zi është vend mik dhe nuk kem arsye me krijuar tensione të panevojshme”, tha Haradinaj. /Telegrafi/