Kryeministri i Republikës së Kosovës, Ramush Haradinaj, mori pjesë në organizimin për nder të Ditës së Mysafirëve të Nderuar – Ushtrimi Shpata e Argjendtë, që ka për qëllim mundësimin e trajnimit dhe ushtrimin e situatave emergjente, që përfshijnë bashkërenditjen ndërinstitucionale të organizatave të sigurisë në Kosovë në bashkëpunim me Ekipin Këshillues dhe Ndërlidhës të NATO-s në Kosovë (NALT), dhe organizatat tjera ndërkombëtare në Kosovë.
Haradinaj, me këtë rast tha se në emër të çdo qytetari të Kosovës, falënderon të gjithë burrat dhe gratë e KFOR-it, NATO-s, që i kanë shërbyer paqes në shtetin tonë.
Kryeministri Haradinaj theksoi se Kosova respekton dhe nderon sakrificën e burrave dhe grave dhe në veçanti të atyre që kanë humbur jetën duke shërbyer, prandaj shteti ynë gjithmonë do t’i përkujtojë ata si njerëz që kanë ndihmuar, që sot të jetohet në paqe.
“Kosova është një shtet, shoqëri multietnike, i kemi dallimet tona, jemi mësuar të jetojmë në diversitet dhe gjithashtu duke respektuar njëri-tjetrin”, tha kryeministri Haradinaj, duke shtuar se vendi ynë ka pasur edhe tragjedi, por është punuar dhe po punohet, duke i kushtuar vëmendje të mirë të ardhmes së ndritshme.
Duke qenë krenar sot, për faktin se jo vetëm që të gjithë këtu, të cilët shërbejnë me uniformë në Kosovë, shërbyen për paqen, kryeministri Haradinaj tha se ata ndihmuan edhe me ekspertizën, trashëgiminë, duke u shprehur gjithashtu se këtu i kanë edhe partnerët e tyre, Forcën e Sigurisë së Kosovës.
“Duhet të jeni krenarë për atë që keni arritur si NATO, si KFOR në Kosovë dhe rajon”, tha kryeministri Haradinaj.
Haradinaj, po ashtu shprehu kënaqësinë se Shpata e Argjendtë 18-2 nuk është vetëm një ushtrim, por dëshmi dhe përkushtim i asaj që do të jetojë përgjithmonë, duke konfirmuar se Kosova, të gjitha Agjencitë e sigurisë, 17 prej të cilave sot janë këtu, do të vazhdojnë me këtë trashëgimi.
Kryeministrit tha se kjo që sot po trashëgohet do të na ndihmojë të ballafaqohemi me emergjencat, që janë fatkeqësi natyre apo krizave të tjera dhe do të vazhdohet kështu së bashku me këtë që është mësuar gjatë dy dekadave.
Komandanti i KFOR-it, Salvatore Cuocci, tha se përkundër të gjithave, kanë arritur që të prezantojnë këtë ushtrim në nivelin më të mirë të teknologjisë dhe profesionalizimit, sepse është menduar se kjo është mënyra e duhur që të bëjnë një shtet model dhe institucion model se si të përballet me situatën dhe kështu ata janë munduar që t’i transferojnë këto kapacitete.
Më tej, komandanti i KFOR-it falënderoi të gjithë ata që ishin pjesë e këtij ushtrimi, duke thënë se vullneti për të marrë pjesë në ushtrim, për t’i rritur kapacitetet dhe për t’u përballur me problemin, ishte madhështore.
Migrimi, vërshimet dhe siguria kibernetike, ishin tri çështje kyçe që janë trajtuar gjatë këtij ushtrimi dhe janë prezantuar shembuj nga këto ushtrime, si dhe mënyra e komunikimit të këtyre situatave në media./Telegrafi/
Promo
Reklamo këtuLufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi