Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se kjo parti ende nuk ka vendosur se kush do jetë kandidat për kryeministër të Kosovës nëse shkohet në zgjedhje të reja.
Haradinaj i pyetur nga KosovaPress lidhur me këtë çështje, ka thënë se duhet të shkarkohet qeveria Kurti, porse sipas tij ka rëndësi procesi që çon në zgjedhje dhe jo data.
Para gazetarëve, Haradinaj ka thënë se PDK-ja është duke ja plotësuar kërkesën Kurtit, duke shtuar se mund të kenë koalicion mes vete për mënyrën si të ecet përpara për zgjedhje.
“Nuk e kemi përcaktuar ende, por do ta shohim dhe do ju njoftojmë me kohë… Po duhet të shkarkohet qeveria, mënyra se si shkojmë në zgjedhje ka rëndësi. Po dëgjoj (kryetarin e PDK-së), Memli Krasniqi po i propozon data Kurtit, ne së pari duhet të definojmë mënyrën si shkojmë në zgjedhje. Data pason procesin, e cili proces na çon zgjedhje ka rendësi. Duhet të shkarkohet qeveria Kurti. Pra, para se të flasim për datë, duhet të flasim për mënyrën si shkojmë në zgjedhje”, deklaroi Haradinaj.
Ndërsa, i pyetur nëse do e përkrahin mocionin për shpërbërje të kuvendit nëse u kërkohet, ai ka thënë se kanë mocion për shkarkim të qeverisë Kurti, porse nëse shkohet drejt në shpërbërje të kuvendit, është agjenda e kryeministrit Kurti.
“Ne kemi mocion për shkarkim të qeverisë kështu është radha e punëve. Nëse shkojmë drejt në shpërbërje të kuvendit që i kërkon dy e treta, është kryesisht agjenda e Kurtit kjo. Që i bie PDK-ja po ja plotëson kërkesën Kurtit, ose kanë koalicion me Kurtin për mënyrën si të ecën përpara për zgjedhje”, tha Haradinaj.
Mes tjerash, i pari i AAK-së ka komentuar edhe anëtarësimin e Kosovës në Këshill të Evropës.
Ai ka thënë se mënyra se si është kërkuar Kosovës të marrë obligime shtesë është ndryshe nga praktikat e mëhershme.
“Anëtarësimi në KiE ka hyrë në fazë përfundimtare, është një proces i gjatë i punës, është e drejtë dhe meritë e Kosovës të anëtarësohet. Mënyra se si i është kërkuar Kosovës të marrë obligime shtesë është ndryshe nga praktikat e mëhershme.
Për fat të keq, në këtë mënyrë të marrjes së obligimeve që kemi marrë tani, sikur ta kishim marrë në kohë, me siguri se tani do të numëronim më shumë rezultate, edhe anëtarësimin në NATO edhe kandidaturën për BE.
Ne vetëm për anëtarësim në KiE po përmbushim obligime e kushte që janë shumë e që për Kosovën është do të jetë vështirë… Ekziston mundësia pastaj për kushte e kërkesa të reja, anëtarësim në NATO dhe kandidaturën për në BE”, tha Haradinaj.
Ndërkaq, i pyetur për deklaratën e drejtorit të Policisë, Gazmend Hoxha lidhur me grupet tjera të orkestruara nga Serbia që mund ta sulmojnë sërish veriun, Haradinaj nuk e ka përjashtuar një mundësi të tillë.
Mirëpo, sipas tij, Kosova duhet me qenë vigjilente dhe bashkë me aleatët që mos të lejojë asnjëherë rrezikimin e Kosovës.
“Ekziston mundësi e tillë e kërcënimeve, por Kosova duhet me qenë vigjilente dhe bashkë me aleatët që mos të lejojë asnjëherë rrezikimin e Kosovës”, tha ai.
Haradinaj po ashtu ka thënë se falë aleatëve Kosova po anëtarësohet në organizata, dhe jo nga puna e qeverisë Kurti.
“Është pozicionim i qartë i aleatëve të avancojnë Kosovën, përkundër pengesave që Qeveria dhe kryeministri Kurti ua ka nxjerrë aleatëve, ata sërish arritën rezultat të suksesshëm për Kosovën”, tha mes tjerash Haradinaj.
Lufta Prigozhin - Putin
Më shumëNga Rubrika
Paga mesatare neto në RMV në shkurt të këtij viti ishte 39.276 denarë
Dita kombëtare e të zhdukurve, Osmani: Pas anëtarësimit në KiE, familjarët e të pagjeturve do të mund të padisin Serbinë
Konventa e Partisë së Lirisë, Meta: Pas këtij forumi do të kemi një parti tjetër, Kryemadhin s’e kam larguar
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë