Ekonomi Marketing

Hapet aplikimi për klasat e ciklit janar – shkurt 2023 në BONEVET Prishtina

Para 1 viti

BONEVET Prishtina ka kënaqësinë të ju njoftoj se ka hapur regjistrimet për ciklin janar – shkurt, 2023.

Si një hapësirë inkurajuese për fëmijët dhe të rinjët, BONEVET synon zhvillimin e aftësive të buta, imagjinatës, kreativitetit dhe zbulimin e talenteve përmes edukimit në fushat STEAM (shkencë, teknologji, inxhinieri, art dhe matematikë).

Për fëmijët tuaj të grupmoshave 5-14 vjeç, ne ju ftojmë të njiheni me klasat tona:

mTiny: 5-6 vjeç

“mTiny” është një robot edukativ për fëmijë që nuk ka nevojë për kompjuter për t’u koduar. Kjo klasë e sjell botën e programimit te fëmijët në formë të thjeshtësuar përmes gjëegjëzave, hartave dhe lojës. Poashtu, përmes kësaj fëmijët ushtrojnë të menduarit e tyre logjik dhe aftësitë për të zgjidhur probleme.

Origami: 5-6 vjeç

“Origami” quhet arti i lashtë japonez i palosjes së letrës. Përmes lojës, argëtimit dhe palosjes së letrës fëmijët eksplorojnë për herë të parë konceptet matematikore si figurat gjeometrike, thyesat dhe simetrinë. Origami është një përvojë pozitive e të mësuarit që promovon një ndjenjë të arritjes dhe mirëqenies, ndërton durimin, këmbëngulje dhe saktësi.

Art & Teknologji: 6-7 vjeç

Art & Teknologji është klasë nga e cila fëmijët eksplorojnë teknika të ndryshme të artit dhe krijojnë shfaqje teatrale me kukulla, duke përdorur teknologjitë e BONEVET si kompjuterët, robotët dhe printerët 3D.

Scratch Junior: 6-7 vjeç

Gjatë klasës Scratch Junior fëmijët do të krijojnë kolazhet e tyre interaktive, tregime të animuara dhe lojëra të ndryshme. Me anë të kësaj gjuhe të thjeshtë programimi, e cila është shumë e përshtatshme për fëmijët, ata fitojnë nocionet e para të shkencave kompjuterike. Atyre u jepet kohë për të eksploruar programimin përmes kodimit dhe aktiviteteve të tjera të shkëputura.

Scratch + mBot: 7-9 vjeç

“Scratch” është gjuhë programuese e cila përdoret për krijimin e animacioneve, përrallave dhe lojërave të ndryshme kompjuterike, kurse “mBot” është një robot edukativ i cili përdoret për përfitimin e përvojës praktike rreth programimit, elektronikës dhe robotikës. Me kombinimin e gjuhës programuese “Scratch” dhe robotit “mBot”, fëmijët bëjnë hapat e parë në programim duke zhvilluar kështu mendimin kritik dhe kreativ.

English and Technology: 7-8 vjeç

Klasa Anglisht me Teknologji kombinon mësimin e gjuhës angleze në formë praktike duke përdorur teknologjinë si mjet mësimi. Duke përdorur robotët, teknologjinë e printimit 3D, programe dhe lojëra edukative kompjuterike, fëmijët mësojnë gramatikën e gjuhës angleze, shkrimin, artikulimin dhe krijimin e storieve kreative.

Lego Spike Education: 9-10 vjeç

Lego Spike Education është klasë që ofron mënyrë praktike dhe inovative për të zhvilluar aftësitë e nxënësve në konceptet STEAM nëpërmjet të mësuarit përmes lojës. Në këtë klasë, fëmijët do të mësojnë ndërtimin e robotëve përmes Lego kits, përdorimin e motorrëve, senzorëve të ngjyrës, distancës, senzorëve të forcës dhe shumë te tjera, e njëkohësisht edhe programimin e tyre që robotët ti fusin në lëvizje.

Make it and Take it: 3D dizajn dhe 3D printim 11- 14 vjeç

Në këtë klasë, pjesëmarrësit do të kenë mundësi një mujore në BONEVET të mësojnë bazat ne 3D Design dhe 3D Printing duke punuar në projekte të tyre personale. Fëmijët do të dizajnojnë dhe printojnë punimin e tyre duke përdorur Fusion 360 dhe PrusaSlicer, të cilin do të mund ta marrin me vete në fund të klasës.