Hamiti i reagon Buleshkajt: Duhet të tregosh çka ka ndikuar që ke ndryshuar qëndrim

Sami Hamiti nga Lidhja Demokratike e Kosovës (LDK) i reagoi Yll Buleshkaj nga Zyra për Regjistrimin e Partive Politike dhe Certifikim i cili tha se të gjitha subjektet i plotësojnë kushtet për certifikim, ndërsa tha se ka kandidat që mund të kenë probleme me ligjin, por nuk kanë mundur të verifikojnë a kanë me të vërtetë probleme.

Hamiti i kërkoi Buleshkas që të tregoj se çfarë ka ndikuar tek ai që e ka ndërruar qëndrimin.

Ai po ashtu tha se kjo çështje është banalizuar dhe Këshilli Gjyqësor i Kosovës (KGjK) siç tha ai e ka bërë të qartë se cilët kandidatë kanë probleme me ligjin.

“Shumë simpatike kjo punë që ti s’po mundesh me interpretu. Ty s’të jep të drejtë të interpretosh çfarë janë…Ti duhet të tregosh çka ka ndiku që t’i me ndërru qëndrimin. Kjo çështje u banalizu se diçka si një interpretim që vjen dhe e ke për detyrë ta interpretosh. Subjektit tim dhe disa subjekteve ia keni kërku që  e keni mundësinë që t’i zëvendësoni. Por që me thënë ti që i kanë përmbush kriteret dhe se ke të qartë se çka ka ardh nga KGJK-ja…KGJK-ja ka thënë se cilët janë kandidatë që s’mund të kandidojnë”, ka thënë Hamiti. /Telegrafi/