Halid sjell baladën emocionuese “Fjala e Fundit”

Rap-artisti në ngritje Halid ka bërë hapin e tij të radhës në skenën muzikore me lansimin e këngës së tij më të re, “Fjala e Fundit”.

Duke kombinuar tekstet e ndjeshme me një melodinë hipnotike të rapit, kjo baladë e re ka të gjitha përbërësit për të prekur zemrat e dëgjuesve.

Muzika e këngës është krijuar nga talenti i Vizion Records, Splecter Beats, i cili ka dhënë jetë melodisë që përshkon thellë në shpirtin e stilit të Halidit.

Teksti i këngës është një punë personale e Halidit, i cili jo vetëm që performon por edhe shkruan vargjet e tij. Ai ka arritur të sjellë përvoja të jetës përmes fjalëve, duke ndarë mendime dhe ndjenja që resonojnë me një audiencë të gjerë.

Klipi i këngës është një vizual tjetër që përmbyll idenë që artisti ka dashur të përçojë. Valone ka qenë regjisori pas realizimit të klipit.

Dëgjuesit dhe ndjekësit e zhanrit të rapit tashmë kanë filluar të ndajnë komente pozitive dhe të shprehin mbështetjen e tyre për Halidin dhe këngën e tij të re. /Telegrafi/