Komisioneri i Bashkimit Evropian për Zgjerimi, Johannes Hahn, ka deklaruar se është duke pritur përgjigje nga Prishtina dhe Beogradi, rreth rifillimit të bisedimeve për normalizimin e marrëdhënieve, mes dyja vendeve.
Ndërkaq ka theksuar se, “bisedimet mund të vazhdojnë deri në fund të vitit 2019”.
Hahn në Davos, në Forumin Ekonomik Botëror, ka thënë se ka rekomanduar dy presidentët, Aleksandar Vuçiq të Serbisë dhe Hashim Thaçit të Kosovës që të merren së bashku me të gjitha çështjet relevante ekonomike dhe se ai ishte i gatshëm të ndërmjetësonte bisedimet në përputhje me propozimin e tij.
Komisioneri shtoi se dialogu i ndërmjetësuar nga shefja e politikës së jashtme të BE-se, Federica Mogherini duhet të vazhdojë, duke theksuar se deri me tani janë bërë hapa të rëndësishëm në Ballkan për shkak të përpjekjeve të përbashkëta.
“Jemi afër vendimit të Parlamentit grek për të pranuar marrëveshjen mbi emrin e ri të Maqedonisë. Supozoj se do të zgjidhet dhe ky është një sukses gjigant që unë kam vënë shumë përpjekje që nga viti 2015, “tha Hahn.
Ai shtoi se Shqipëria po përmirësohet dhe se marrëdhëniet midis Kosovës dhe Serbisë duhet të përmirësohen, përkundër asaj që ka edhe hapa prapa.
“Kishte ngjarje në të kaluarën, kur të dy do të kapnin armët, ndërsa sot presidentët e atyre vendeve kapin telefonat dhe e thërrasin njëri-tjetrin. Natyrisht, ka hapa prapa nga të dyja palët, por nuk duhet të lejojmë që të dekurajohemi “, paralajmëroi komisioneri, përcjell Telegrafi.
Ai shtoi se vendimi i Kosovës për të futur tarifat 100 për qind të importit për mallrat nga Serbia dhe Bosnja ishte “një hap prapa dhe tani duhet të gjendet një zgjidhje”.
Pas takimeve me Vuçiq dhe Thaçi, Hahn tha se ata e kuptonin sugjerimin e tij, ndërkaq, thekson se pret një përgjigje në ditët e ardhshme.
“Të dy e kuptojnë se duhet të ulen dhe të largojnë ” acarime ekonomike “në mënyrë që dialogu të rifillojë. Nëse ky problem nuk zgjidhet, nuk ka bisedime të mëtejshme. Kosova gjithashtu ka kundërshtime, dhe kam ndërmend t’u drejtohem atyre të gjithëve “, tha Hahn.
Hahn përsëriti qëndrimin e BE-së se vendet mund të bëheshin anëtare nëse ato së pari zgjidhin të gjitha çështjet dypalëshe.
Komisioneri nuk bëri të ditur se cili nga vendet kandidate do të hyjë i pari në BE, por ka përmendur Malin e Zi dhe Serbinë si vende që kishin hapur ose po hapnin kapituj të rinj negociues.
“Çdo vend është përgjegjës për hapat e tyre dhe me çfarë shpejtësie po i marrin ato. Nuk ka kufizim të shpejtësisë, por reformat duhet të jenë të qëndrueshme, veçanërisht në luftën kundër korrupsionit, sundimit të ligjit dhe zhvillimit ekonomik, “tha Hahn, duke shtuar se procesi është kohë e gjatë./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë