Viktor Gyokeres është afër arritjes së një marrëveshjeje me klubin e tij të ardhshëm, sipas disa raportimeve befasuese. Gyokeres ka dominuar afatin kalimtar të verës, pasi është lidhur me disa nga klubet më të mëdha evropiane, përfshirë Manchester United dhe Juventus. Por destinacioni i preferuar i sulmuesit suedez është Arsenali, i cili është i vendosur të sigurojë një sulmues të ri këtë verë. Mikel Arteta dëshiron të sjellë një qendërsulmues përpara sezonit 2025/2026, duke identifikuar Gyokeres si objektivin kryesor. Dhe duket se një marrëveshje është afër përfundimit në atë që do të ishte një transferim rekord.
Marrëveshja mund të arrijë në 80 milionë euro, gjë që do ta bënte atë lojtarin suedez më të shtrenjtë në historinë e futbollit, duke kaluar transferimet e Zlatan Ibrahimovic dhe Alexander Isak. Transferimi i propozuar drejt Arsenalit kalon vlerën e kalimit të Ibrahimovic nga Interi te Barcelona (57 milionë) dhe atë të Isak nga Real Sociedad te Neëcastle United (63 milionë ). David Ornstein gjithashtu raporton se Arsenali është në bisedime të avancuara me Sportingun, ndërkohë që kushtet personale janë rënë dakord për një kontratë pesëvjeçare.
Gyokeres ka tërhequr shumë interes pas paraqitjeve të tij mbresëlënëse me gjigantin portugez. Ai shënoi 43 gola në sezonin e tij të parë në klub pas transferimit nga Coventry City, dhe më pas 54 gola në sezonin pasues. Gyökeres nuk ka luajtur kurrë në Ligën Premier, edhe pse më parë ishte pjesë e Brighton. Ai ka luajtur tetë ndeshje për klubin, por asnjë prej tyre në ligë./Telegrafi/
