Guler i tha mbylle gojën, por Szoboszlai iu përgjigj në mënyrë epike në rrjete sociale turkut

Futbollistët turq mposhtën Hungarinë në Ligën e Kombeve dhe siguruan mbijetesën në Ligën A dhe gjatë ndeshjes pamë një skenë interesante.

Në ndeshjen e parë, Turqia fitoi 3:1 në shtëpi dhe kur Hakan Çalganoglu shënoi nga penalltia në minutën e 37-të, ishte e qartë se turqit do të luanin Ligën e Kombeve të radhës në Ligën A.

Pas golit 2-0 të shënuar nga Arda Guler, ka ndodhur një skenë interesante.

Lojtari i Real Madridit iu afrua kapitenit të Hungarisë Dominik Szoboszlai dhe i bëri shenjë që ta mbyllte gojën.

🚨 Arda Güler was shushing Szoboszlai after scoring in 3-0 win for Turkey…

…and then Szobo replied on social media by responding “𝟏𝟎𝟖𝟖”, the amount of minutes Arda played this year for Real Madrid. pic.twitter.com/bFGiA2KkmN

— Fabrizio Romano (@FabrizioRomano) March 24, 2025

Por ylli i Liverpoolit nuk ka reaguar ndaj provokimit në fushë, por pas ndeshjes që turqit e fituan 3:0, ai vendosi t’i dërgojë një mesazh Gulerit në rrjetet sociale.

Szoboszlai e pa foton në profilin e ‘Nemzeti Sport Online’ në Instagram dhe vendosi të shkruante vetëm katër numra.

Mesfushori i Liverpool ka shkruar “1088”, që janë minutat e Gulerit te Reali këtë sezon.

20-vjeçari Guler mbërriti te Reali në verën e vitit 2023 si një nga talentet më të mëdhenj në botë, por ai ka startuar vetëm nëntë herë këtë sezon, gjë që Szoboszlai e përdori si provokim. /Telegrafi/