Grenell përplaset me asistentin e ish-presidentit Obama për Kosovën

I dërguari i presidentit amerikan Donald Trump në dialogun Kosovë-Serbi, Richard Grenell është përplasur me asistentin e ish-presidentit Barack Obama, Ned Price, ku sipas këtij të fundit, Grenell ka dështuar në çështjen e dialogut.

Ndaj Price, ka reaguar vetë Grenell, duke thënë se administrata e Obamës ka injoruar Serbinë dhe Kosovën për 8 vjet me radhë dhe se tashmë këto dy shtete do të negociojnë në Shtëpi të Bardhë gjatë javës së ardhshme.

“Negociatat në mes të Kosovës dhe Serbisë do të mbahen javën e ardhshme në Shtëpinë e Bardhë. Ekipi juaj ka injoruar njerëzit në Serbi dhe Kosovë për 8 vjet”, ka reaguar Grenell në Twitter, përcjell Telegrafi.

Kosovo and Serbia negotiations are at the White House next week.

Your team ignored the people of Serbia and Kosovo for 8 years. And never made decrim a priority.

Your current candidate @JoeBiden called gays a security risk! https://t.co/tblkkw0yKO

— Richard Grenell (@RichardGrenell) August 27, 2020

Takimit të 4 shtatorit në Washington, do t’i paraprijë takimi i sotshëm në Bruksel që do të zhvillohet në nivel të ekspertëve, në kuadër të dialogut mes Kosovës dhe Serbisë, e që ndërmjetësohet nga Bashkimin Evropian.

Dialogu mes Kosovës dhe Serbisë, i ndërmjetësuar nga BE-ja, rifilloi më 16 korrik, pasi ishte ndërprerë në fund të vitit 2018, kur Qeveria e Kosovës vendosi taksën ndaj mallrave serbe. /Telegrafi/