Rreth dy orë duhet të udhëtojnë banorët e fshatrave të Komunës së Kamenicës, për të arritur në Gjilan ku duhet të marrin shërbimet shëndetësore gjinekologjike. Kjo sepse në Kamenicë tash e katër vjet nuk ka gjinekolog. Në Komunë thonë se kanë hapur konkurs katër herë por nuk kanë arritur të punësojnë një gjinekolog. Ndërkohë, sipas Ministrisë së Shëndetësisë shumë prej gjinekologëve zgjedhin të punojnë në kujdesin dytësor e tretësor, e më pak në Qendra të Mjekësisë Familjare.
Shërbimi i maternitetit në Qendrën e Mjekësisë Familjare në Kamenicë është jashtë funksionit, meqë katër vjet më parë gjinekologu i vetëm që ishte, ka dalë në pension.
Aktualisht nuk ka gjinekolog për të dhënë shërbimet në ketë qendër.
Nazlie Bugaqka, qytetare, thotë se banorët maltretohen në mungesë të gjinekologjisë këtu, të detyruar të shkojnë në Gjilan për të marrë shërbime.
Ajo thotë, se si pasojë e kësaj mungese, lindjen ndodhin edhe rrugës.
“Shumë mungon gjinekologjia këtu, a po e sheh po lindin kah mos…. Shumë maltretim, këtu duhet me qenë dikush, për ne është shumë e vështirë, apo e sheh çka nuk ndodh, shumë vështirë. Puna e Zotit, duhet me qenë mjeku ngat, shumë larg aty, me çka me shku qysh me shku, aty nuk i dihet”, thotë ajo.
Enita Berisha, një tjetër qytetare thotë se gjinekologjia në këtë komunë është shumë e nevojshme.
“Është shumë e nevojshme, është një mungesë shumë e madhe që qytetarët e Kamenicës e ndjenjë jashtëzakonisht shumë”, thotë ajo.
Njësoj mendon edhe Hatixhe Morina, e cila thekson se Kamenica është territor i gjerë, diçka që e bënë edhe më të nevojshëm këtë shërbim në këtë zonë.
“Nuk është rreth i ngushtë territori i Kamenicës, sigurisht një hapësirë e tillë ka nevojë për një gjinekologji këtu”, thotë ajo.
Kjo situatë është shqetësuese edhe për kryetarin e Kamenicës, Qëndron Kastrati.
Ai thotë se janë duke lobuar edhe në Ministrinë e Shëndetësisë, të kryeministri dhe organe të tjera, që kjo komunë të ofrojë shërbime gjinekologjike, meqë siç thotë ai, nuk duhet të udhëtohet aq larg për rreth dy orë për të marrë ato shërbime në Gjilan.
“E kemi bërë diku katër herë konkursin për gjinekolog, nuk ka pas të interesuar e tash kemi filluar me komuniku me shoqatën e gjinekologëve dhe jemi të interesuar me dhënë edhe një shtesë si komunë, që me qenë më atraktive për një gjinekolog me ardh me i kry këto kontrolle shëndetësore”, thotë ai.
E për ketë, në Ministrinë e Shëndetësisë thonë se në disa komuna ka mungesë, sepse gjinekologët parapëlqejnë të punojnë më shumë në kujdesin dytësor e tretësor, e jo në Qendra të Mjekësisë Familjare.
“Me Udhëzimin administrativ për organizimin e Kujdesit parësor Shëndetësor në Komuna, QKMF-të kanë të drejtë të kenë të punësuar gjinekolog. Punësimet në QKMF janë kompetenca të Komunave përkatëisht drejtorive komunale për shëndetësi dhe mirëqeinie sociale. MSh është në favor të asaj që maternitetet eksiztuese në QKMF në komuna të fuqizohen dhe mbeshtet komunat në përpjekjet e tyre për t’i mbajtur ato në shërbim të pacienteve në nevojë. E vërtata është se në disa komuna ka mungesë, për shkak se gjinekologet parapelqejnë ose anojne të punojnë më shumë në Dytësor e Tretësor e më pak në KPSH (QKMF)”, ka thënë Faik Hoti i Ministrisë së Shëndetësisë për KosovaPress.
E kryetarja e Komisionit për Shëndetësi në Kuvendin e Kosovës, Besa Baftiu thotë se e kanë ngritur këtë problem shumë herë të ministri i Shëndetësisë, por që ende nuk është ndërmarrë asgjë.
Ajo thotë se kjo çështje duhet të zgjidhet, sidomos në vendet që kanë largësi më të madhe me komunat ku banorët i marrin shërbimet gjinekologjike, siç është rasti me Kamenicën.
“Kjo çështje duhet të zgjidhet, ne po kërkojmë nga ministri i Shëndetësisë Uran Ismaili që të ketë parasysh këtë sepse komunave siç është Kamenica e cila është 30 kilometra në largësi prej komunës së Gjilanit, që Gjilani është spital në të cilin kryhen lindjet, është një largësi tejet e madhe për ato nëna, për ato gra të cilat duhet të marrin shërbime gjinekologjike”, thotë ajo.
Ndërkohë, për Komunën e Kamenicës, është lajmëruar një organizatë e cila është e gatshme të ndihmojë në rregullimin e hapësirës ku do të mund të kryheshin shërbimet gjinekologjike, nëse arrihet të gjendet gjinekologu.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën