Gjykata e Arbitrazhit Sportiv (CAS) e ka shtyer përsëri datën për vendimin ndaj Skëndërbeut edhe pse pritej që nesër (20 qershor) të ishte final.

Klubi korçar ka bërë të ditur në faqen e tyre zyrtare në Facebook për vendimin e marrë nga gjykata e futbollit ndërkombëtar.

“CAS shtyn datën e vendimit. Të dashur tifozë dhe sportdashës të KF Skënderbeu, ju bëjmë me dije se palët në gjykim janë njoftuar sot nga Gjykata e Arbitrazhit Sportiv për shtyrjen e vendimit përfundimtar”, thuhet në njoftim.

Një email i dërguar nga CAS njoftoi zyrtare e Skënderbeut se vendimi do të bëhet publik vetëm pas disa ditëve, e jo pas nesër siç ishte planifikuar më parë.

Me shtyrjen e vendimit, shuhen në një farë mënyrë shpresat e Skënderbeut për të marrë pjesë në eliminatoret e Ligës së Evropës këtë sezon. /Telegrafi/